Partuhalski śpiecyjalist nie płanuje praciahvać kantrakt ź italjanskaj «Romaj».
Žaze Maŭryńju choča pasprabavać svaje siły ŭ zbornaj. Jon hatovy razhledzieć prapanovy ad Italii, Anhlii ci Brazilii. Adznačajecca, što nastaŭniku «Romy» cikavaja praca tolki z toj nacyjanalnaj kamandaj, jakaja nacelena na zavajovu trafiejaŭ, piša Championat.com.
Jak bačym, zbornaja Biełarusi moža na jaho nie spadziavacca.
Žaze Maŭryńju pracuje z «Romaj» ź lipienia 2021 hoda. U siezonie-2021/2022 partuhalski śpiecyjalist vyjhraŭ z rymskaj kamandaj Lihu kanfierencyj. Kantrakt viadomaha nastaŭnika ź italjanskim kłubam raźličany da červienia 2024 hoda.
5 kastryčnika «Roma» sustrakałasia z «Siervietam» u matčy hrupavoha etapu Lihi Jeŭropy i razhromna abyhrała supiernika 4:0.
Zorka Žaze Maŭryńju ŭzyšła ŭ 2004 hodzie, kali jon z «Portu» vyjhraŭ Lihu čempijonaŭ. Paśla tryumfu jon pakinuŭ kłub.
Z «Čełsi» jon try razy vyjhraŭ anhlijskuju premjer-lihu, ź miłanskim «Interam» dva razy čempijanat Italii i Lihu čempijonaŭ (2010), z madrydskim «Reałam» čempijanat Ispanii, z «Mančester Junajted» vyjhraŭ Lihu Jeŭropy (2017).
Z «Romaj» letaś dajšoŭ da finału Lihi Jeŭropy, dzie prajhraŭ «Sievilji».
U lipieni paviedamlałasia, što Žaze admoviŭsia ad 30 miljonaŭ jeŭra ŭ Saudaŭskaj Aravii.
Kamientary
https://nashaniva.com/327"