Партугальскі спецыяліст не плануе працягваць кантракт з італьянскай «Ромай».
Жазэ Маўрынью хоча паспрабаваць свае сілы ў зборнай. Ён гатовы разгледзець прапановы ад Італіі, Англіі ці Бразiлii. Адзначаецца, што настаўніку «Ромы» цікавая праца толькі з той нацыянальнай камандай, якая нацэлена на заваёву трафеяў, піша Championat.com.
Як бачым, зборная Беларусі можа на яго не спадзявацца.
Жазэ Маўрынью працуе з «Ромай» з ліпеня 2021 года. У сезоне-2021/2022 партугальскі спецыяліст выйграў з рымскай камандай Лігу канферэнцый. Кантракт вядомага настаўніка з італьянскім клубам разлічаны да чэрвеня 2024 года.
5 кастрычніка «Рома» сустракалася з «Серветам» у матчы групавога этапу Лігі Еўропы і разгромна абыграла суперніка 4:0.
Зорка Жазэ Маўрынью ўзышла ў 2004 годзе, калі ён з «Порту» выйграў Лігу чэмпіёнаў. Пасля трыумфу ён пакінуў клуб.
З «Чэлсі» ён тры разы выйграў англійскую прэм'ер-лігу, з міланскім «Інтэрам» два разы чэмпіянат Італіі і Лігу чэмпіёнаў (2010), з мадрыдскім «Рэалам» чэмпіянат Іспаніі, з «Манчэстэр Юнайтэд» выйграў Лігу Еўропы (2017).
З «Ромай» летась дайшоў да фіналу Лігі Еўропы, дзе прайграў «Севільі».
У ліпені паведамлялася, што Жазэ адмовіўся ад 30 мільёнаў еўра ў Саудаўскай Аравіі.
Героя тэлефонных зліваў палкоўніка Кісяля, які заклікаў калечыць дэманстрантаў, раптоўна апусцілі на раённы ўзровень12
Каментары
https://nashaniva.com/327"