Vybuch byŭ čuvać kala 23:20 u rajonie radyjocentra, pa inšaj infarmacyi — u rajonie čyhunačnych šlachoŭ. Aziaryšča — hałoŭnaja stancyja dla pahruzki vajskovaj techniki ŭ Minsku. Tam hruziacca i biełaruskija, i rasijskija vojski. Pobač ź joju raźmieščanyja 120-ja bryhada, 127-ja bryhada suviazi, 56-ty połk suviazi.
Pry hetym navalnicy ŭ toj momant nie było, a paźniej, paśla druhoj hadziny nočy, u rajonie čyhunki bačyli mašyny MNS, zaznačaje Motolkohelp.
Taksama vyśvietliłasia, što huk vybuchu byŭ čutny navat u Minsku, u pryvatnaści, va Uruččy i Zialonym Łuzie. Heta aznačaje, što hukavaja chvala była ŭ radyusie vaśmi kiłamietraŭ.
U svaju čarhu čytačy «Lusterka» pišuć, što ciapier apytvajuć žycharoŭ vajskovaha haradka va Uruččy — sa słoŭ śledčych, unačy adbyŭsia terakt na čyhunačnaj stancyi Aziaryšča.
Adnak što mienavita heta było, pakul nieviadoma.
Ad MNS abo inšych viedamstvaŭ nie było nijakaj infarmacyi.
Zatrymki ciahnikoŭ na barysaŭskim kirunku na hety momant niama.
Minčuki rasčaravanyja salutam na Dzień horada — šmat kamientaroŭ2
Kamientary