Pad Minskam pradajuć katedž: mebla Versace i italjanskija žyrandoli. Što pa canie?
Katedž raźmieščany ŭ prestyžnym zakrytym pasiołku, pobač ź lesam i vadajomam, poŭnaściu meblavany i hatovy da bieskłapotnaha kruhłahadovaha pražyvańnia. Praŭda, i cana doma — adpaviednaja, piša Realt.
Katedž znachodzicca ŭ zakrytym pasiołku «Jasnaja palana». Adlehłaść da MKAD — kala 12 kiłamietraŭ. Šlach da Nacyjanalnaha aeraporta zojmie 25 chvilin.
Vystaŭleny na prodaž dom byŭ pabudavany ŭ 2016 hodzie. Materyjał pabudovy — biełaja cehła. Płošča katedža składaje 245 kvadratnych mietraŭ. Pry hetym dziakujučy panaramnym voknam, amal płoskamu dachu i łakaničnaj architektury adnapaviarchovy dom zusim nie zdajecca masiŭnym.
Unutry katedž całkam azdobleny i abstaŭleny. U im zrobleny dyzajnierski ramont — italjanskaja plitka, u kabiniecie mebla «Viersače», italjanskija žyrandoli.
U chacie jość usie vyhody: elektrazabieśpiačeńnie, vada, kanalizacyja i haz. Aciapleńnie — na hazie.
Płošča ŭčastka składaje 15 sotak. Tut zrobleny łandšaftny dyzajn — jość hazon, darožki, tui. Prosta da chaty padychodzić chvajovy les.
Z vulicy katedž praktyčna niezaŭvažny, bo adnapaviarchovy budynak amal całkam chavajecca za płotam.
Cana doma ŭ pasiołku « Jasnaja palana» — 549 tysiač dalaraŭ.
«Telefanujcie dzieciam, prasicie viarnucca ŭ Biełaruś». Biełarusy na miažy sutyknulisia z novaj pravierkaj8
Kamientary
u chacie )
krylca i parenčy (ź nieržaviejki), jak u mahazinie - doŭha nie parylisia
a CHATA - heta žilje, kamiepa, ppiton (zładziejski žarhon)