«Jano pavinna źniknuć u našaj krainie nazaŭždy». Śviatłana Cichanoŭskaja vykazałasia nakont śmiarotnaha pakarańnia
10 kastryčnika va ŭsim śviecie adznačajecca Dzień suprać śmiarotnaha pakarańnia. Biełaruskaja lidarka vykazałasia pra toje, ci pavinna zachoŭvacca takoje pakarańnie ŭ novaj Biełarusi.
«Biełaruś — adzinaja kraina Jeŭropy, dzie śmiarotnaje pakarańnie ŭžyvajecca ŭ jakaści vyklučnaj miery pakarańnia. Z kožnym hodam Łukašenka tolki pavialičvaje kolkaść artykułaŭ Kryminalnaha kodeksa, za jakija moža pryznačacca śmiarotnaje pakarańnie. Jon ličyć, što maje prava čynić losy ludziej, prykryvajučysia tym, što najaŭnaść śmiarotnaha pakarańnia nibyta strymlivaje złačynnaść.
Čałaviečaje žyćcio i prava na jaho — samaja vialikaja kaštoŭnaść, jakaja pavinna pavažacca ŭ kožnaj dziaržavie. Cyvilizavany śviet daŭno heta pryznaŭ i zafiksavaŭ u svaich zakonach. I demakratyčnaja Biełaruś pavinna brać ź jaho prykład.
Ja kateharyčna asudžaju prymianieńnie śmiarotnaha pakarańnia i liču, što jano pavinna być admienienaje. My chočam bačyć Biełaruś jeŭrapiejskaj krainaj, dzie pravy čałavieka pavažajucca, a pravasudździe viaršycca pa pryncypach spraviadlivaści i humannaści.
Tamu paśla demakratyčnaha tranzitu ŭłady takoje pakarańnie ŭ našaj krainie pavinna źniknuć nazaŭždy», — zaznačyła Śviatłana Cichanoŭskaja.
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha8
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary