Madura zajaviŭ pra zatrymańnie siami zamiežnikaŭ, u tym liku troch «najomnikaŭ z vajny va Ukrainie»
Prezident Vieniesueły Nikałas Madura 7 studzienia ŭ efiry dziaržaŭnaha telebačańnia abviaściŭ pra aryšt siami zamiežnikaŭ, jakich jon abvinavaciŭ u tym, što jany źjaŭlajucca «najomnikami», jakija sprabavali pieraškodzić jamu prysiahnuć na pasadu prezidenta krainy, paviedamlaje Radyjo Svaboda.
Madura zajaviŭ, što siarod zatrymanych dvoje amierykancaŭ, dvoje kałumbijskich «kileraŭ» i troje «najomnikaŭ z vajny va Ukrainie», jakija, pa jaho słovach, udzielničali ŭ płanavańni «terarystyčnych aktaŭ» napiaredadni jaho inaŭhuracyi, zapłanavanaj na 10 studzienia.
Ministerstva zamiežnych spraŭ Ukrainy pakul nie kamientavała, ci jość siarod zatrymanych u Vieniesuele hramadzianie Ukrainy.
Paviedamleńni pra zatrymańnie, u tym liku amierykancaŭ, źjavilisia praź niekalki hadzin paśla taho, jak prezident ZŠA Džo Bajden pryniaŭ u ZŠA vieniesuelskaha apazicyjnaha kandydata ŭ vyhnańni Edmunda Hansalesa.
Jeŭrapiejski parłamient pryznaŭ Edmunda Hansalesa zakonnym prezidentam Vieniesueły ŭ rezalucyi, pryniataj u vieraśni 2024 hoda.
Pa vynikach vybaraŭ 28 lipienia Nacyjanalnaja vybarčaja rada Vieniesueły abviaściła pra pieravybrańnie Nikałasa Madura na treci šaścihadovy termin. ZŠA i inšyja zachodnija krainy nie pryznali vynikaŭ vybaraŭ. Dziarždepartamient zajaviŭ, što apracoŭka hałasoŭ vybarščykaŭ i abviaščeńnie vynikaŭ Nacyjanalnaj vybarčaj radaj, jakuju kantraluje Nikałas Madura, «prajšli z surjoznymi parušeńniami, u vyniku čaho byli abvieščany vyniki, jakija nie adlustroŭvajuć volu vieniesuelskaha naroda».
Madura adchiliŭ mižnarodnuju krytyku i sumnievy adnosna vynikaŭ vybaraŭ, śćviardžajučy, što Vieniesueła stała abjektam sprobaŭ «dziaržaŭnaha pieravarotu» «fašysckaha i kontrrevalucyjnaha» charaktaru.
Stała viadoma, chto žanich byłoj deputatki Maryi Vasilevič26
Kamientary