U Dziarždumie RF rasijskim «źbiehłym», jakija padtrymlivajuć Ukrainu, paabiacali Mahadan
Śpikier Dziarždumy RF Viačasłaŭ Vałodzin zajaviŭ, što rełakantam, «jakija radujucca strełam pa Rasii» i žadajuć pieramohi Kijevu, lepš nie viartacca ŭ krainu, bo tam im «zabiaśpiečany Mahadan».
«Kali havorym pra rełakantaŭ, toj, chto zjechaŭ z krainy i ździejśniŭ podłyja ŭčynki, radavaŭsia strełam pa terytoryi RF, žadaŭ pieramohi nacysckamu kryvavamu kijeŭskamu režymu, jon pavinien uśviedamlać, što tut jaho nie tolki nie čakajuć. Ale kali jon pryjedzie siudy, Mahadan jamu zabiaśpiečany», — skazaŭ Viačasłaŭ Vałodzin.
Vałodzin adznačyŭ, što Rasii «nie patrebny» tyja, chto mihruje ź dziaržavy ŭ dziaržavu, a potym viartajecca nazad. «Pryjechali, boty tam pacałavali, hrošy, zaroblenyja tut hramadzianami Rasijskaj Fiederacyi, zapłacili, kab im pašparty aformili, a potym ich i adtul vydvaryli, i jany potym siudy prykacilisia — nam jany nie patrebnyja», — skazaŭ jon.
9 kastryčnika Dźmitryj Piaskoŭ, adkazvajučy na pytańnie, ci nie pahražaje niešta pry viartańni ŭ krainu rasijanam, jakija zjechali ŭ Izrail z pačatku bajavych dziejańniaŭ na Ukrainie i padčas mabilizacyi, skazaŭ: «Pasłuchajcie, hramadzianie Rasijskaj Fiederacyi žyvuć u šmatlikich krainach śvietu, i Rasijskaja Fiederacyja — heta ich radzima. Jak radzima moža pahražać?»
Dakładnych źviestak pra toje, kolki rasijan pakinuli krainu ź lutaha 2022 hoda, niama. U lutym niezaležny demohraf Alaksiej Rakša acaniŭ kolkaść rasijan, jakija pakinuli RF u 2022 hodzie, ad 450 tysiač da 800 tysiač čałaviek, piša «Kommiersant».
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»5
Kamientary