Baćkoŭ i brata čempijona śvietu pa samba Ściapana Papova zvalniajuć z pracy
U pačatku kastryčnika baćki i brat viadomaha biełaruskaha sambista Ściapana Papova byli zatrymanyja i asudžanyja na 10 sutak. Siońnia stała viadoma, što ich zvalniajuć ź Viciebskaj abłasnoj SDIUŠAR prafsajuzaŭ «Vołat», dzie jany pracavali trenierami pa dziudo i samba, piša «Lusterka».
— Usie treniery pa dziudo i samba zvolnienyja. Z 18 kastryčnika. Bo nie vychodzili na pracu 10 sutak, znachodziačysia ŭ izalatary Lepiela za padpisku ŭ fejsbuku na infarmacyjnyja resursy, jakija z 2021 hoda pryznanyja ekstremisckimi. Artykuł 19.11 častka 2 (raspaŭsiud infarmacyjnaj pradukcyi) Administracyjnaha kodeksa, — skazana ŭ paviedamleńni škoły.
«Lusterka» źviazałasia sa Ściapanam Papovym, jaki znachodzicca ŭ Polščy, kab jon prakamientavaŭ zvalnieńnie rodnych:
— Adekvatnaść u Biełarusi siońnia adsutničaje. Dzie tut adekvatnaść: pasadzić piensijanieraŭ (baćku 65 hadoŭ, a mamie 64) na dziesiać dzion u kamiery biez matracaŭ za toje, što jany padpisanyja na niejkija kanały, jakija navat nie hladziać, abo pakarać ich za pazicyju syna? Atrymlivajecca, adnym rosčyrkam piara ŭtoptvajuć u brud šmathadovyja dasiahnieńni ludziej, prydumaŭšy idyjockija zakony.
Papoŭ — čempijon śvietu i dvuchrazovy čempijon Jeŭropy, uładalnik Kubka śvietu, pieramožca Jeŭrapiejskich hulniaŭ. Inicyjavaŭ stvareńnie lista svabodnych spartsmienaŭ.
«Jana nie ŭ turmie, a na śpiecdačy KDB!» Kanśpirołahi nakinulisia na Kaleśnikavu12
Kamientary
Miarkuju, što bolšaści baćkoŭ usio roŭna, jak ichnija syny ŭ formie siabie pavodziać na pracy. Hałoŭnaje, što za hetuju "pracu" dajuć ilhotnyja kvatery, płociać zarobak. Piensija ŭ samych małaja, ale syn dapamoža, kali što. Aby sabie dobra. Jak heta ni žachliva, na žal.