Pamior komik Siarhiej Hładkoŭ — zapaminalny Mužyk z «Vioski durniaŭ»
Uradžencu Charkava było 60 hadoŭ.
Siarhiej Hładkoŭ skončyŭ Adeski politechničny instytut — fakultet mašynabudavańnia i robatatechniki. Jašče studentam stvaryŭ pieršyja kłoŭnskija prajekty, a paźniej skončyŭ kursy režysury i pantamimy.
U 1985 hodzie Hładkoŭ stvaryŭ pieršuju kłoŭnskuju hrupu «Pantafon» — pravobraz budučych prajektaŭ «Krama Fu» i «Vioska durniaŭ».
Z 1989 hoda kalektyŭ prafiesijna pracavaŭ u Adeskaj dziaržaŭnaj fiłarmonii, supracoŭničaŭ z komik-trupaj «Maski».
Z 1996 hoda kłoŭn-hurt «Krama Fu» abjadnoŭvajecca z kamiedyjnym duetam «Sałodkaje žyćcio» i stvaraje novy kalektyŭ «Kałambur», teleprahramy jakoha ź vialikim pośpiecham tranślujucca na roznych kanałach telebačańnia.
Siarhiej Hładkoŭ — stvaralnik vobraza Mužyka ŭ «Vioscy durniaŭ», a taksama šeraha jarkich i jomistych vobrazaŭ u rubrykach. Jon byŭ dyśpietčaram i mis Burpł.
Z pačatku 2000 hoda Siarhiej Hładkoŭ aktyŭna ŭdzielničaŭ u roznych humarystyčnych prajektach.
Stvaryŭ 60 sieryj karotkamietražnych multyplikacyjnych filmaŭ «S. O. S.», pracavaŭ jak hukarežysior i scenaryst nad stvareńniem mnohich filmaŭ i sieryjałaŭ.
Chto taja prafsajuznaja aktyvistka z MAZa, jakaja paprasiła Łukašenku razabracca ŭ jutubie z «biehłymi»?19
Kamientary