«Usie jany niebiaśpiečnyja dla čałavieka». U Kitai znajšli 8 novych virusaŭ, jakija pahražajuć čałaviectvu
Daśledčyki z Kitajskaha tavarystva mikrabijałohii (CSM), jaki kantralujecca ŭradam Kitaja, vyjavili na terytoryi krainy 8 novych virusaŭ, jakija majuć «vysokuju vierahodnaść» zaražeńnia i niebiaśpieki dla ludziej.
Virusy byli znojdzieny na kitajskim trapičnym vostravie Chajnań, dzie kamanda navukoŭcaŭ za niekalki hadoŭ uziała amal 700 bijałahičnych uzoraŭ u miascovych hryzunoŭ. Analiz paćvierdziŭ najaŭnaść 8 novych virusaŭ, adzin ź jakich źjaŭlajecca raniej nieviadomaj raznavidnaściu karanavirusa, što maje ciesnuju suviaź z sumna viadomym Covid-19. Ab hetym navukoŭcy niadaŭna napisali ŭ svaim časopisie Virologica Sinica, pieradaje vydańnie Daily Mail.
«U pieryjad z 2017 da 2021 hoda my ŭziali 682 bijałahičnyja ŭzory ŭ hryzunoŭ z vostrava Chajnań i vyjavili 8 novych niebiaśpiečnych dla čałavieka virusaŭ. Siarod ich jość raznavidnaści žoŭtaj lichamanki, lichamanki denhie, dva novyja virusy papiłomy čałavieka i dva novyja parvavirusy, a taksama raniej nieviadomyja štamy astravirusa i karanavirusa (apošni źjaŭlajecca pabracimam Covid-19).
Kali znojdzienyja virusy vyjduć za miežy vostrava i svaich nośbitaŭ, toje heta spravakuje masavy zaanoz (zaražeńnie ludziej z boku žyvioł) na kantyniencie», — paviedamili kitajskija navukoŭcy ŭ svaim daśledavańni.
Na samim vostravie Chajnań žyvie bolš za 9 miljonaŭ čałaviek.
Daśledčyki taksama dadali, što dla bolš daskanałaha razumieńnia ŭzroŭniu niebiaśpieki novych virusaŭ dla čałavieka i płaniety, nad imi płanujecca ładzić ekśpierymienty. U dadzieny momant virusy ŭžo znachodziacca ŭ kitajskich łabaratoryjach.
Akramia taho, jak adznačaje vydańnie Daily Mail, adnym z aŭtaraŭ novaha daśledavańnia źjaŭlajecca ŭpłyvovaja kitajskaja doktarka Šy Dženli, jakaja pracuje ŭ instytucie virusałohii horada Uchań. Mienavita ŭ hetym horadzie pačałasia pandemija karanavirusa ŭ 2019 hodzie.
Dahetul dakładna nieviadoma, što vyklikała hetuju pandemiju, jakaja zabrała žyćci miljonaŭ čałaviek pa ŭsioj płaniecie. Siońnia isnuje dźvie asnoŭnyja viersii zdareńnia.
-
Heta vynik niaŭdałaha ekśpierymienta ŭ łabaratoryi Uchańskaha instytuta virusałohii, dzie jakraz ładziacca ekśpierymienty nad niebiaśpiečnymi štamami roznych zachvorvańniaŭ.
-
Heta naturalny vypadak pryrodnaha zaanozu ad latučych myšej da ludziej, jaki adbyŭsia biez navukovaha ŭmiašańnia čałavieka.
Pieršaja viersija pachodžańnia kavidu padtrymlivajecca ŭ tym liku niekatorymi ŭradavymi strukturami ZŠA, ale sam Kitaj kateharyčna admaŭlaje svaju datyčnaść da pravakavańnia pandemii.
«Sputnik V» zusim pierastaŭ abaraniać ad novych štamaŭ kavidu. A ŭ Biełarusi im praciahvajuć vakcynavać
U Maryjanskaj upadzinie znojdzieny novy virus. Jon moža akazacca samym hłybakavodnym u śviecie
U Polščy zaniepakoilisia pracaj biełaruskich i ŭkrainskich miedykaŭ. Źviazana heta z pracaŭładkavańniem padčas pandemii kavidu
«Heta pytańnie času, ale treba saśpieć». Pucin zahavaryŭ pra adziny parłamient i valutu Biełarusi i Rasii7
«Heta pytańnie času, ale treba saśpieć». Pucin zahavaryŭ pra adziny parłamient i valutu Biełarusi i Rasii
Biełaruskija biznesmieny śpiešna pradajuć doli ŭ svaich polskich transpartnych kampanijach. Što adbyvajecca?2
Kamientary