Bajden: Paleścina i Izrail pavinny isnavać mirna ŭ jakaści dźviuch niezaležnych krain
Na dumku prezidenta ZŠA Džo Bajdena, vyrašeńnie kanfliktu pamiž Izrailem i Paleścinaj pavinna być mirnym i ŭklučać u siabie punkt ab hodnym suisnavańni dźviuch niezaležnych dziaržaŭ izrailcian i paleścincaŭ.
Prezident ZŠA Džo Bajden padčas sumiesnaj pres-kanfierencyi z premjer-ministram Aŭstralii Entani Ałbanizam zajaviŭ, što izrailcianie i paleścincy pavinny biaśpiečna adny dla adnych isnavać u dźviuch niezaležnych dziaržavach, pieradaje ahienctva Reuters.
Heta, na dumku Bajdena, pavinna adbycca paśla mirnaha vyrašeńnia kryzisu ŭ Izraili.
«Kryzis pamiž Izrailem i Paleścinaj pavinien iści pa šlachu mira, uklučajučy ŭ siabie punkt ab suisnavańni dźviuch niezaležnych dziaržaŭ izrailcian i paleścincaŭ, a taksama supracoŭnictva Izraila sa svaimi arabskimi susiedziami», — skazaŭ Bajden padčas pres-kanfierencyi.
Razam z hetym prezident ZŠA raskrytykavaŭ pavodziny izrailskich pasialencaŭ na Zachodnim bierazie raki Ijardan, dzie pieravažna pražyvajuć paleścincy.
«Ja pa-raniejšamu ŭstryvožany tym, što niekatoryja izrailskija pasialency pavodziać siabie pa-ekstremiscku, napadajučy na paleścincaŭ na Zachodnim bierazie. Paleścincy i izrailcianie ŭ roŭnaj stupieni zasłuhoŭvajuć taho, kab žyć sumiesna ŭ biaśpiecy, hodnaści i miry», — adznačyŭ Bajden.
Jon taksama vykazaŭ upeŭnienaść, što CHAMAS atakavaŭ Izrail z metaj sarvać narmalizacyju adnosin pamiž Izrailem i Saudaŭskaj Aravijaj, jakaja b asłabiła pazicyi Irana ŭ rehijonie.
U izrailskaj armii nazvali ŭmovu, pry jakoj admieniać naziemnuju apieracyju ŭ Hazie
Bajden: My nie možam dapuścić, kab takija terarysty, jak CHAMAS, i takija tyrany, jak Pucin, pieramahli
U siektary Haza źnikli siem ahientaŭ źniešniaj raźviedki Rasii. Suviazi ź imi niama amal z pačatku vajny ŭ Izraili
Piać faktaŭ pra Natallu Piatkievič — samuju ŭpłyvovuju čynoŭnicu Biełarusi da źjaŭleńnia Kačanavaj i Ejsmant26
Kamientary