Paśla zakančeńnia bajavych dziejańniaŭ Izrail budzie nieści adkaznaść za biaśpieku ŭ siektary Haza — Nietańjachu
Izrail na «niavyznačany pieryjad» pavinien zaniacca zabieśpiačeńniem biaśpieki ŭ siektary Haza paśla zakančeńnia bajavych dziejańniaŭ. Takoje mierkavańnie vykazaŭ premjer-ministr krainy Bińjamin Nietańjachu ŭ intervju amierykanskamu telekanału ABC News.
Pa słovach izrailskaha premjera, kiravać terytoryjaj siektara Haza paśla taho, jak skončycca vajna, pavinny tyja, «chto nie choča praciahvać iści pa šlachu CHAMAS».
«Ja dumaju, što Izrail na praciahu niavyznačanaha pieryjadu budzie nieści ahulnuju adkaznaść za biaśpieku [u Hazie], bo my bačyli, što adbyvajecca, kali my hetaha nie robim. Kali my nie niasiom adkaznaść za biaśpieku, usio, što my majem, — heta ŭsplosk teroru CHAMAS u maštabach, jakija my i ŭjavić sabie nie mahli», — skazaŭ Nietańjachu.
Nietańjachu taksama asprečyŭ ideju spynieńnia ahniu ŭ siektary Haza da taho času, pakul nie buduć vyzvalenyja ŭsie zakładniki, zachoplenyja CHAMAS.
Pry hetym, jon dapuściŭ abviaščeńnie «taktyčnych paŭzaŭ» — «hadzina tut, hadzina tam». Premjer adznačyŭ, što Izrail užo abviaščaŭ ich, kab dać mahčymaść prajechać humanitarnym hruzam abo vyvieści ludziej. Na jaho dumku, usieahulnaje spynieńnie ahniu pieraškodzić dziejańniam Izraila pa vyzvaleńni zakładnikaŭ.
Prezident ZŠA Džo Bajden zajaŭlaŭ, što ruch CHAMAS pavinien być całkam źniščany. Ale akupacyju Izrailem siektara Haza jon nazvaŭ vialikaj pamyłkaj.
«Admyvaŭ haŭno z unitazaŭ, my tam jak samyja končanyja». Błohier Vadzim Vadimati Jermašuk — pra toje, jak žyŭ u kałonii ŭ «nizkim statusie»25
Kamientary
Bajdien boleje priamo nazyvajet eto okkupacijej.
Posmotrim, kakije formy i projavlenija eto vsie budiet imieť.
Mirovaja praktika pokazyvajet, čto okkupacija vraždiebnoj tierritorii nie obchoditsia biez łahieriej, obłav i pročich viesiełych atributov.