Kino

Va Ukrainie startujuć pakazy biełaruskaha niezaležnaha kino ŭ miežach fiestyvalu «1084. Na miažy»

Z 9 listapada 2023 hoda va Ukrainie pačynajecca fiestyval dakumientalnaha kino «1084. Na miažy», na jakim ciaham troch miesiacaŭ u piaci haradach projduć afłajn-pakazy biełaruskich dakumientalnych stužak, a taksama inšyja kulturnyja mierapryjemstvy.

«1084. Na miažy» — užo druhi fiestyval va Ukrainie, inicyjavany Biełaruskim aśvietnicka-sacyjalnym hramadskim abjadnańniem «Źviano». 1084 kiłamietry — praciahłaść ahulnaj miažy suvierennych Biełarusi i Ukrainy. Arhanizatary sprabujuć zadumacca pra budučyniu stasunkaŭ abiedźviuch krain i abmierkavać sučasnuju situacyju, adnosiny prostych ludziej, a taksama padtrymku biełarusami ŭkrainskaha naroda ŭ baraćbie z akupantami i teroram.

Sioleta fiestyval projdzie ŭ piaci haradach Ukrainy: Adesie (z 9 pa 11 listapada), Łucku (z 18 pa 20 listapada), Bučy (18, 25-26 listapada), Ternopali (u śniežni) i Kijevie (u studzieni 2024 hoda).

Padrabiaźniej raskład pa kožnym horadzie hladzicie tut.

U prahramie fiestyvalu pradstaŭlenyja stužki takich niezaležnych biełaruskich kiniematahrafistaŭ, jak Andrej Kuciła («Vadochryšča»), Volha Prusak («Novaje nieba nad novaj krainaj: prahułki z Puškinym»), Hanna Badziaka i Alaksandr Michałkovič («Motherland/Radzima»), Alaksiej Pałujan («Kuraž»), a taksama polskaha režysiora Andžeja Fidyka («Biełaruski vals»). Paśla niekatorych pakazaŭ płanujucca sustrečy z režysiorami i abmierkavańnie.

Akramia taho, u miežach fiestyvalu 11 listapada ŭ Adesie adbudziecca kancert ukrainskaha hurta «Kolir», jaki stvaryŭ niekalki pieśniaŭ pa biełaruskich tvorach (R.Baradulina, A.Alaksandrava) i padrymaŭ biełaruskich palitviaźniaŭ.

A z 18 pa 25 listapada ŭ Łucku raspačniecca vystava antyvajennych płakataŭ biełaruskaha mastaka i dyzajniera Uładzimira Ceślera, častka prac pad nazvaj Hitlerkaputin pryśviečana biełaruskaj rečaisnaści i temie poŭnamaštabnaha ŭvarvańnia Rasii va Ŭkrainu.

Uvachod na ŭsie mierapryjemstvy pa free donation. Sabranyja srodki buduć pieraličanyja na zakup raschodnych materyjałaŭ dla VAC-terapii ran va ŭkrainskich vajennych i hramadzianskich špitalach.

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Palicyja Dubaja: 20-hadovaja madel z Ukrainy ŭpała z vyšyni na budoŭli19

Palicyja Dubaja: 20-hadovaja madel z Ukrainy ŭpała z vyšyni na budoŭli

Usie naviny →
Usie naviny

U Minsku chutkaść arendnych samakataŭ źbirajucca źnizić da 20 km/h, a ŭ centry — da 7 km/h5

Nieviadomyja apahanili statuju Uejna Hrecki ŭ Edmantanie3

Tramp skasoŭvaje pravavy status 530 tysiač kubincaŭ, haicianaŭ, nikarahuancaŭ i vieniesuelcaŭ2

Dzie lažyć vykupleny Statut VKŁ? Pavieł Macukievič — pra toje, što biełarusy musiać sabie viarnuć6

Pahražajuć za Dzień Voli? Voś što treba rabić45

Tramp zajaviŭ pra stvareńnie amierykanskaha źniščalnika novaha pakaleńnia8

Staŭ viadomy žorstki prysud, vyniesieny žycharu Homiela za «zdradu dziaržavie»1

Kietony: što za rečyvy, jakija spyniajuć stareńnie mozhu i dapamahajuć schudnieć?1

Tramp raskazaŭ pra pieramovy pa «padziele terytoryj» Ukrainy24

bolš čytanych navin
bolš łajkanych navin

Palicyja Dubaja: 20-hadovaja madel z Ukrainy ŭpała z vyšyni na budoŭli19

Palicyja Dubaja: 20-hadovaja madel z Ukrainy ŭpała z vyšyni na budoŭli

Hałoŭnaje
Usie naviny →

Zaŭvaha:

 

 

 

 

Zakryć Paviedamić