U źniavoleńni Viktar Babaryka sustrakaje čaćviorty dzień narodzinaŭ.
![](http://nashaniva.com/img/w840d4webp1/photos/stock/__bun_nn_20200611-8365-ffhn6.jpg.webp)
9 listapada siamja palityka zvyčajna źbirałasia razam. Dzieci vinšavali baćku zranku, uručajučy padarunki, a ŭviečary siamja išła na viačeru ŭ miesca ź cikavaj i niezvyčajnaj kuchniaj. Tam šmat havaryli, zhadvajučy siamiejnyja historyi.
Pavodle blizkich da siamja Babaryki ludziej, jon bolš lubiŭ sam daryć padarunki, čym prymać ich.
![](http://nashaniva.com/img/w732d4webp1/photos/z_2023_11/babariko3-6fw7gjpg-xex0n.webp.webp)
Ciapier palityka ŭtrymlivajuć u pamiaškańni kamiernaha typu navapołackaj kałonii № 1 u izalacyi ad inšych źniavolenych.
«Jakichści vypadkaŭ asablivych nie było paśla špitalizacyi viasnoj», — adznačaje paplečnik palityka.
U mai były palitźniavoleny Alaksandr Kabanaŭ, jaki siadzieŭ u navapołackaj kałonii, vykazvaŭ mierkavańnie, što palityka mahli mocna źbić u kałonii: u jaho mahło być prabitaje lohkaje i złamanyja rebry.
«Ułada nie choča, kab ludzi daviedvalisia, što adbyvajecca ŭ kałonijach, i voś na ich jana pakazvaje», — kazaŭ były palitviazień.
Pavodle Kabanava, Babaryku izalujuć maksimalna. Za sprobu pahavaryć ź im karajuć ŠIZA. Kryminalnikaŭ strašać pastanoŭkaj na prafulik. Supracoŭniki kałonii starajucca nie źviazvacca z Babarykam, bo «jašče prezidentam stanie».
Viktar Babaryka spačatku pracavaŭ u kałonii apalščykam u piakarni. Zatym jamu dali pracu ŭkładčyka chlebabułačnych vyrabaŭ. Uvieś pracoŭny čas jon znachodziŭsia ŭ pamiaškańni bieź vientylacyi, z tempieraturaj plus 30 hradusaŭ.
![](http://nashaniva.com/img/w732d4webp1/photos/z_2021_07/9476f89f6010ad13b9024-vvvsc.jpg.webp)
Pa słovach Łabačova, u čas, što jon byŭ u kałonii, Babaryka trymaŭsia badziora, ale da ludziej staviŭsia naściarožana, bo ŭ kałonii chapaje stukačoŭ.
«Heta ŭbačyli pazaštatnyja supracoŭniki administracyi, pabiehli ŭ štab i dakłali pra heta apieram [supracoŭnikam administracyi kałonii]. Na hetaj padstavie palitviaźniu paviesili taki prafulik», — raskazvaŭ adzin z byłych źniavolenych.
Paŭlinkovič kazaŭ, što na palityka kožny miesiac składali raparty za nadumanyja parušeńni i adpraŭlali ŭ ŠIZA. Babaryku časta vyklikaŭ ciapier užo były načalnik kałonii Andrej Palčyk, i paśla vizitaŭ Babaryku kidali ŭ štrafny izalatar.
17 lipienia svajakoŭ palityka na pryjomie ŭ navapołackaj kałonii zapeŭnivali, što jaho zdaroŭju ničoha nie pahražaje, ale samoha niavolnika nie pakazali.
U hetym vieraśni pradali taksama siem naručnych chranomietraŭ Babaryki. U 2021 hodzie na aŭkcyjonie kupili jaho aryštavany aŭtamabil Ford Fiesta. Taksama vystaŭlali na tarhi aptyčny pryceł, jaki naležyć palityku, i doli ŭ statutnym kapitale troch kampanij — «Pryvatlizinh», «Pravavy dyjałoh» i «Sistemy apracoŭki infarmacyi».
![](http://nashaniva.com/img/w732d4webp1/photos/z_2023_11/755927640441219-xibfyjpg-bm21f.webp.webp)
Eks-staršynia Biełhazprambanka i miecenat Viktar Babaryka 12 maja 2020 hoda zajaviŭ pra ŭdzieł u prezidenckich vybarach. Jaho kamanda chutka sabrała 440 tysiač podpisaŭ. 18 červienia 2020 hoda Viktar Babaryka i jahony syn Eduard, jaki ŭznačalvaŭ pieradvybarčy štab, byli zatrymanyja, kali vieźli podpisy ŭ CVK.
Jaho syn pravioŭ u SIZA biez suda try hady. 5 lipienia jaho adpravili ŭ kałoniju ŭzmocnienaha režymu na 8 hadoŭ.
«Naša Niva» — bastyjon biełaruščyny
PADTRYMAĆ
Kamientary