Złačynnyja hrupoŭki prydumali novy i dosyć kreatyŭny sposab niezaŭvažna pieramiaščać hrošy
Tendencyja stała nabirać moc pa ŭsim śviecie, što moža akazacca surjoznaj prablemaj dla pravaachoŭnych orhanaŭ.
Za apošnija dva hady pravaachoŭnyja orhany Japonii, Kanady, Aŭstralii, Vialikabrytanii i inšych krain stali paviedamlać ab novaj schiemie pa admyvańni i pieramiaščeńni hrošaj arhanizavanymi złačynnymi hrupoŭkami. U asnovie schiemy — redkija i darahija kartki «Pakiemon», stvoranyja dla nastolnych hulniaŭ i kalekcyjanavańnia.
«Kartki nabyvajucca za najaŭnyja srodki, atrymanyja niezakonnym šlacham, a paśla pradajucca ŭ inšych krainach, kab «ačyścić» ich.
Asabliva pryvabnym hety sposab robić vysoki košt asobnych kartak (ad niekalkich socień da niekalkich miljonaŭ dalaraŭ u zaležnaści ad ekzemplara), lohkaja transparciroŭka i adsutnaść vialikich padazreńniaŭ i adsočvańnia z boku pravaachoŭnych słužbaŭ», — pieradaje bujny partał IGN.
Prablema patrabuje bolš surjoznaha padychodu. Ekśpierty zaklikajuć da stvareńnia sistemy, jakaja b dazvalała lepš kantralavać handal kalekcyjnymi rečami, asabliva kali havorka idzie pra redkija i darahija hulniavyja pradmiety. Heta dapamahło b nie tolki abaranić lehalnych kalekcyjanieraŭ, ale i pazbavić złačyncaŭ instrumientaŭ dla admyvańnia hrošaj.
«Heta nie prosta hulniavyja kartki, heta ciapier instrumient dla finansavych machinacyj, zdolny kankuryravać z antykvaryjatam i navat kryptavalutami», — papiaredžvajuć ekśpierty.
Danyja ŭsich karystalnikaŭ Pokemon GO ciapier pieratvoracca ŭ hłabalnuju mapu miascovaści
Machlary skrali fatahrafiju biełarusa i ciapier z dapamohaj jaho partretu razvodziać na hrošy žančyn u Rasii
Rasijskuju špijonku, jakaja źbirałasia spakusić i vykraści žurnalista Hrozieva, pry aryšcie zaśpieli ŭ łožku ź inšym ahientam Kramla
«Admyvaŭ haŭno z unitazaŭ, my tam jak samyja končanyja». Błohier Vadzim Vadimati Jermašuk — pra toje, jak žyŭ u kałonii ŭ «nizkim statusie»36
Kamientary