«Heta prysud za baćku, pra jakoha Eduard ničoha nie čuŭ z 26 krasavika». Cichanoŭskaja prakamientavała siońniašni prysud Babaryku
Śviatłana Cichanoŭskaja prakamientavała surovy prysud, vyniesieny siońnia ŭ Minskim abłasnym sudzie Eduardu Babaryku, — 8 hadoŭ kałonii ŭzmocnienaha režymu.
Cichanoŭskaja adznačaje, što Eduard Babaryka pravioŭ u SIZA bolš za try hady — rekordny dla Biełarusi termin.
«Uvieś hety čas režym prosta nie moh prydumać pryčynu, pa jakoj zatrymaŭ Eduarda, i znajści dokazaŭ jaho viny. Bo za realnuju pryčynu — pomsta za žadańnie jahonaha baćki ŭdzielničać u vybarach — naŭrad ci b dali niejki termin navat u takim sudzie», — adznačyła demakratyčnaja lidarka.
«Hety prysud Eduardu — za baćku, jaki tak i nie źjaviŭsia na sudzie; pra jakoha jon ničoha nie čuŭ z 26 krasavika i nie viedaje, ci žyvy jon abo nie».
Cichanoŭskaja pry hetym upeŭnienaja, što «takija maładyja i talenavityja ludzi, jak Eduard Babaryka, — budučynia novaj Biełarusi. Jakraz hetyja ludzi zdolnyja vyciahnuć našu krainu z kryzisu, u jaki jaje zahnaŭ režym, i zrabić Biełaruś raźvitoj i demakratyčnaj krainaj».
Apytanka
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ8
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary