Tata nie kupiŭ dačce samakata — i ledź nie staŭ fihurantam kryminalnaj spravy
Niezvyčajny siamiejny incydent razhladali na čarhovym pasiadžeńni kamisii pa spravach niepaŭnaletnich u Baranavičach.
Baćka paabiacaŭ dačce kupić elektrasamakat, a synu — horny rovar. Adrazu dźvie pakupki ŭ jaho zrabić nie ŭdałosia, tamu vyrašyŭ paradavać dziaciej pa čarzie. I spačatku nabyŭ rovar dla syna, paviedamlaje miascovaje vydańnie «Naš kraj».
Dačka ž nastolki razzłavałasia, što vykanańnie jaje žadańnia vyrašyli adkłaści na potym, što zakaciła doma skandał, paśla čaho schłusiła maci, što baćka jaje biŭ i niekalki razoŭ baluča ŭdaryŭ pa nahach.
Pierapałochanaja žančyna paviedamiła pra zdareńnie ŭ milicyju.
Paźniej, uśviadomiŭšy, što narabiła, dziaŭčynka pryznałasia, što schłusiła, i nichto jaje nie źbivaŭ. Chłuśnia stała sposabam adpomścić baćku za niavykananaje abiacańnie.
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»5
Kamientary