Niemcy patrabujuć pazbavić hramadzianstva «ŭciakačku Mierkiel» paśla jaje dopisa z antyizrailskim łozunham
Paleścinskaja dziaŭčyna Rym Sachvil, jakaja ŭ svoj čas stała simvałam mihracyjnaj palityki Anhieły Mierkiel, apublikavała ŭ svaich sacyjalnych sietkach zabaronieny prapaleścinski łozunh.
Sachvil prasłaviłasia jašče ŭ 14 hadoŭ, kali raspłakałasia na sustrečy z Anhiełaj Mierkiel — heta adbyłosia paśla taho, jak kancler skazała, što joj i jaje siamji pahražaje departacyja. Zrešty, paśla hetaj sustrečy Sachvil i jaje svajaki atrymali vid na žycharstva ŭ Hiermanii, a ŭ lutym 2023 hoda dziaŭčyna stała ŭładalnicaj niamieckaha pašparta, piša Bild.
«Luby čałaviek, jak i Rym, jaki nie padzialaje našyja kaštoŭnaści, nie moža stać ci zastacca niemcam. Jana padmanam prajšła svoj šlach da naturalizacyi», — zajaviŭ BILD kiraŭnik frakcyi CHDS u parłamiencie Ekchart Rebierh.
Pavodle jaho słoŭ, pamyłka «pavinna być vypraŭlena, a pašpart i hramadzianstva — anulavany».
«My vielmi chutka naturalizavali zašmat ludziej, nie nastojvajučy na tym, što niemcami mohuć stać tolki tyja, chto pryznaje prava Izraila na isnavańnie, a nie antysiemity. Hetyja ludzi prosta apynulisia ŭ nas nie pa tym adrasie», — dadaŭ Rebierh.
Ź im zhadžajecca i ekśpiert pa ŭnutranych pytańniach i pravie, hienieralny sakratar Svabodnaj demakratyčnaj partyi Linda Tojtebierh.
«Abarona žyćcia habrejaŭ i pravy Izraila na isnavańnie źjaŭlajucca adnoj ź nieadjemnych kaštoŭnaściaŭ našaj krainy. Luby, chto nie padzialaje hetyja kaštoŭnaści, pavinien mieć prablemy ŭ našaj krainie», — skazała jana.
Pravacentrysckija palityčnyja partyi-partniory CHDS i CHSS, jakija koratka nazyvajucca «Sajuzam», užo ŭnieśli ŭ Bundestah zakonaprajekt, jaki zaklikany praduchilić naturalizacyju antysiemitaŭ.
Što zapisana aficyjnaj pryčynaj śmierci adzinaha syna Jarmošynaj?9
Kamientary
A buki, čto nie razdielajut naši ciennosti... Pojdut v Bukovyj les