Немцы патрабуюць пазбавіць грамадзянства «ўцякачку Меркель» пасля яе допіса з антыізраільскім лозунгам
Палесцінская дзяўчына Рым Сахвіль, якая ў свой час стала сімвалам міграцыйнай палітыкі Ангелы Меркель, апублікавала ў сваіх сацыяльных сетках забаронены прапалесцінскі лозунг.
Сахвіль праславілася яшчэ ў 14 гадоў, калі расплакалася на сустрэчы з Ангелай Меркель — гэта адбылося пасля таго, як канцлер сказала, што ёй і яе сям'і пагражае дэпартацыя. Зрэшты, пасля гэтай сустрэчы Сахвіль і яе сваякі атрымалі від на жыхарства ў Германіі, а ў лютым 2023 года дзяўчына стала ўладальніцай нямецкага пашпарта, піша Bild.
«Любы чалавек, як і Рым, які не падзяляе нашыя каштоўнасці, не можа стаць ці застацца немцам. Яна падманам прайшла свой шлях да натуралізацыі», — заявіў BILD кіраўнік фракцыі ХДС у парламенце Экхарт Рэберг.
Паводле яго слоў, памылка «павінна быць выпраўлена, а пашпарт і грамадзянства — ануляваны».
«Мы вельмі хутка натуралізавалі зашмат людзей, не настойваючы на тым, што немцамі могуць стаць толькі тыя, хто прызнае права Ізраіля на існаванне, а не антысеміты. Гэтыя людзі проста апынуліся ў нас не па тым адрасе», — дадаў Рэберг.
З ім згаджаецца і эксперт па ўнутраных пытаннях і праве, генеральны сакратар Свабоднай дэмакратычнай партыі Лінда Тойтэберг.
«Абарона жыцця габрэяў і правы Ізраіля на існаванне з'яўляюцца адной з неад'емных каштоўнасцяў нашай краіны. Любы, хто не падзяляе гэтыя каштоўнасці, павінен мець праблемы ў нашай краіне», — сказала яна.
Правацэнтрысцкія палітычныя партыі-партнёры ХДС і ХСС, якія коратка называюцца «Саюзам», ужо ўнеслі ў Бундэстаг законапраект, які закліканы прадухіліць натуралізацыю антысемітаў.
Чаму хобіты жывуць у беларускіх вёсках, а эльфы гавораць старабеларускай. Перакладчык «Валадара Пярсцёнкаў» адказвае на ўсе пытанні3
Каментары
А буки, что не разделяют наши ценности... Пойдут в Буковый лес