25-hadovy armaturščyk atrymaŭ traŭmy na budaŭničym abjekcie «Minsk Śviet». Jon vykonvaŭ raboty na 12-m paviersie, spatyknuŭsia i zvaliŭsia ŭ nieaharodžany prajom mižpavierchavaha pierakryćcia, paviedamlaje pres-słužba Śledčaha kamiteta. Niaščasny vypadak adbyŭsia siońnia kala 17-j hadziny.
Rabočaha, jaki atrymaŭ roznyja traŭmy, jahonyja kalehi znajšli na 8-m paviersie. Ciapier jon znachodzicca ŭ reanimacyi.
Kastryčnicki rajonny adździeł Śledčaha kamiteta pravodzić pa hetym fakcie pravierku.
Hety niaščasny vypadak — užo daloka nie pieršy na budaŭnictvie «Minsk Śvietu». Tak, u studzieni tut adbyłosia dva vypadki hibieli rabočych, u žniŭni — jašče adzin. Za minuły hod na terytoryi abjekta zarehistravanyja 4 vypadki vytvorčaha traŭmatyzmu, 3 ź ich — sa śmiarotnym zychodam. Tyja ž 4 vypadki, ź ich 2 sa śmiarotnym zychodam, byli zafiksavanyja ŭ 2021 hodzie.
Dvajniki viadomych biełarusaŭ. I nie kažycie, što nie zadumvalisia pra ich padabienstva12
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary