Pradprymalniki składajuć amal 35% ad ahulnaj kolkaści zaniatych u ekanomicy hramadzian.
Bolš za 30 tysiač ź liku pradprymalnikaŭ — fizasoby, jakija płaciać adziny padatak biez rehistracyi ŭ jakaści IP. Amal 52 tysiačy aformili ramiesnuju dziejnaść. Takuju ličbu «SB» ahučyła Śviatłana Bartaš, člen Pastajannaj kamisii pa biudžecie i finansach Pałaty pradstaŭnikoŭ.
Kolki hrošaj spłočvajuć pradprymalniki ŭ biudžet? Siarednija arhanizacyi — 8,2% ad ahulnaha abjomu padatkaŭ, małyja — kala 13,4%, mikra — 9,2 %, IP — 3,1%.
Ipešniki składajuć 8% zaniatych u ekanomicy. U siarednim pa krainie ad adnaho pradprymalnika ŭ biudžet pastupaje prykładna 400 rubloŭ u miesiac.
Układ małoha i siaredniaha pradprymalnictva ŭ VUP Biełarusi letaś skłaŭ 25,7%.
Nahadajem, što dla IP rychtujucca čarhovyja źmieny ŭ zakon. Z nastupnaha hoda chočuć pavysić staŭki adzinaha padatku dla indyvidualnych pradprymalnikaŭ.
Paśla taho, jak biełaruskim IP zabaranili pracavać pa sproščanaj sistemie padatkaabkładańnia, bolšaść pradprymalnikaŭ byli vymušanyja pierajści na ahulnuju sistemu padatkaabkładańnia, zhodna ź jakoj z 2023 hoda treba płacić 20% ad zarobku.
Chočuć pavysić padatak na pieršuju kvateru i aŭtamabili, pavialičyć nahruzku na IP. Jakija źmieny rychtujuć u Padatkovy kodeks
Kolki IP zakranuć źmieny ŭ zakonie ab pradprymalnictvie
Namieśnik ministra ekanomiki patłumačyła pavyšeńnie padatkaŭ: «Amkadoru» składaniej zarabić, čym ipešniku
Homielskich pradprymalnikaŭ prymušajuć pracavać pad pahrozaj štrafaŭ
Ciapier čytajuć
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1616
Kamientary