U Hałoŭnym upraŭleńni raźviedki Ukrainy paćvierdzili atručvańnie Maryjany Budanavaj
Žonka Kiryły Budanava była atručanaja ciažkimi mietałami i prachodzić kurs lačeńnia.
Pres-sakratar HUR Andrej Jusaŭ u kamientary ŭkrainskaj słužbie «Radyjo Svaboda» skazaŭ, što infarmacyja, jakaja źjaviłasia ŭ miedyja, adpaviadaje rečaisnaści. Bolš padrabiaznaściej jon nie pryvioŭ.
«Maryjana Alaksandraŭna Budanava sapraŭdy była atručanaja ciažkimi mietałami. Ciapier jana prachodzić kurs lačeńnia, jaki ŭžo zaviaršajecca», — skazaŭ Andrej Jusaŭ.
Raniej Budanaŭ u intervju raspaviadaŭ, što žonka pražyvaje razam ź im u jahonym pracoŭnym kabiniecie, choć i nie pracuje ŭ HUR. Z červienia 2021 hoda jana pracuje daradcaj mera Kijeva Vitala Kličko.
Pa paviedamleńniach, na žyćcio kiraŭnika HUR Kiryła Budanava z 2014 hoda ździajśniali zamach nie mienš za 10 razoŭ. Adzin z zamachaŭ adbyŭsia padčas poŭnamaštabnaha ŭvarvańnia RF va Ukrainu, kali pa budynku HUR u Kijevie byŭ naniesieny rakietny ŭdar.
Dvajniki viadomych biełarusaŭ. I nie kažycie, što nie zadumvalisia pra ich padabienstva12
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary