U DTZ u Rečyckim rajonie zahinuła čatyrochhadovaja dziaŭčynka
paviedamili va ŭpraŭleńni DAI MUS.
22 śniežnia na 138‑m kiłamietry aŭtadarohi miaža RF — Homiel — Kobryn pry ažyćciaŭleńni abhonu vadziciel «Roviera»
vyjechaŭ na sustrečnuju pałasu i sutyknuŭsia z «VAZ‑21063». U vyniku DTZ zahinuła dačka kiroŭcy «Žyhuloŭ», jašče dźvie pasažyrki špitalizavany.
Pavodle źviestak DAI, za minułyja sutki ŭ krainie zarehistravana 19 DTZ z paciarpiełymi, u jakich čatyry čałavieki zahinuli i 20 — atrymali ranieńni.
Jak paviedamiŭ na pres‑kanfierencyi 23 śniežnia staršy inśpiektar respublikanskaj Dziaržaŭtainśpiekcyi Stanisłaŭ Sałaviej, z pačatku hoda ŭ darožna‑transpartnych zdareńniach u Biełarusi zahinuli 1.247 čałaviek, u tym liku 47 dziaciej, traŭmavana prykładna 7 tys.
Jon adznačyŭ, što
asabliva niebiaśpiečnyja ŭmovy kiravańnia nastupajuć tady, kali tempieratura vahajecca ŭ rajonie nulavoj adznaki — značna pavyšajecca vierahodnaść uźniknieńnia hałalodu, da jakoha mnohija kiroŭcy nie hatovy.
Pavodle słoŭ staršaha inśpiektara UDAI MUS Michaiła Banadyka, napiaredadni nastupleńnia chaładoŭ Dziaržaŭtainśpiekcyja pravieryła hatoŭnaść darožnikaŭ i słužbaŭ ŽKH da źmieny ŭmoŭ nadvorja, pracy pry nizkich tempieraturach. Asabovy skład aryjentavany na akazańnie dapamohi ŭsim udzielnikam darožnaha ruchu, i heta aktyŭna praktykavałasia padčas mocnych marazoŭ, skazaŭ pradstaŭnik DAI.
Michaił Banadyk taksama paviedamiŭ, što zaraz Dziaržaŭtainśpiekcyja dziakujučy techničnamu asnaščeńniu słužbaŭ departamienta «Biełaŭtadar» maje infarmacyju ab darožnaj situacyi, umovach nadvorja praktyčna na ŭsioj terytoryi krainy.
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii17
Kamientary