«Vy chočacie pastavić mnie pomnik?» Kupałaviec Michaś Zuj raspavioŭ, jak svaim pytańniem razzłavaŭ Łukašenku
U novym vypusku «Žyćcio-malina» akcior Michaś Zuj zhadaŭ, jak Łukašenka pryjazdžaŭ na adkryćcio Kupałaŭskaha teatra paśla rekanstrukcyi i jak na inšaj sustrečy ź im razdavali pytańni.
Michaś Zuj zhadvaje, što adnojčy jamu daviałosia zadać pytańnie Łukašenku. Było heta na adkryćci žyłoha kompleksu «Mahistr», dzie niekatorym kupałaŭcam davali słužbovyja kvatery.
«Na aŭtobusach nas pryvieźli i razdali pytańnie. <…> Ja pavinien byŭ zadavać takoje pytańnie: «Skažycie, mnie zdajecca, u našym horadzie niejak mała pomnikaŭ. Jakomu viadomamu biełarusu vy b pastavili pomnik?» Jon taki: «Nijakamu. Nijakamu!» Jon tak razzłavaŭsia. Ja tak staju i dumaju, pry čym tut ja.
«Voś vy chto, skulptar?» Ja adkazvaju: «Tak». I voś jon pieravaročvaje: «Voś vy chočacie pastavić mnie pomnik? Nie treba mnie pomnikaŭ u moj honar. Nie treba, nie chaču».
Kali Łukašenka prychodziŭ na adkryćcio Kupałaŭskaha teatra paśla rekanstrukcyi ŭ 2013-m, to jon padčas razmovy prapanoŭvaŭ usim svaju harełku, kaža Zuj. Akcior zaŭvažaje, što Łukašenka ŭmieje zachapić svaimi pramovami.
«Ja adčuŭ, što vielmi lohka trapić u pastku. Vielmi lohka padumać: a moža i praŭda? Tut ciopła, tut dobra, tut ty za Biełaruś, a tam, blacha, treba źjazdžać, treba niejkaj ekstremisckaj dziejnaściu zajmacca. Vielmi lohka kivać, unutry ŭsio miechanizmy dla hetaha hatovy».
Čytajcie jašče:
«ČinČiny proletieli kukuškoj» — satyryčny film z novaj pieśniaj Aleny ŽałudOk.
Što za studentka Uljana, ź jakoj na bali valsiravaŭ Łukašenka?9
Kamientary