Rasijski sud nie staŭ sadžać sacyjołaha Kaharlickaha. Jaho sudzili za iraničny rolik pra vybuch na Krymskim moście
Sud u Syktyŭkary prysudziŭ navukoŭca i levaha aktyvista Barysa Kaharlickaha, jakoha ŭnieśli ŭ rejestr «zamiežnych ahientaŭ», da štrafu 600 tysiač rasijskich rubloŭ (6650 dalaraŭ), pryznaŭšy vinavatym u apraŭdańni teraryzmu, piša Bi-bi-si.
Navukoŭca vyzvalili ŭ zale suda. Kaharlickamu na dva hady zabaranili administravać internet-sajty.
Prysud Kaharlickamu vynieśli ŭžo na druhi dzień sudovaha pracesu, jaki prachodziŭ u Viarchoŭnym sudzie Komi.
Prakuror padčas sprečak prasiŭ prysudzić navukoŭca da piaci z pałovaj hadoŭ pazbaŭleńnia voli.
64-hadovaha Kaharlickaha zatrymali pa abvinavačvańni ŭ apraŭdańni teraryzmu ŭ lipieni hetaha hoda.
Jak paviedamlaŭ advakat Kaharlickaha, padstavaj dla raspačynańnia spravy stała vykazvańnie navukoŭca ab vybuchu na Krymskim moście, jaki złučaje Krasnadarski kraj z anieksavanym Rasijaj paŭvostravam, jaki adbyŭsia ŭ kastryčniku minułaha hoda.
Padčas razhladu spravy ŭ sudzie stała viadoma, što spravu raspačali z-za rolika pad nazvaj «vybuchovaje vinšavańnie kata Mastka, niervovyja ludzi i padziei, udary pa infrastruktury», jaki byŭ apublikavany zasnavanym Kaharlickim prajektam «Rabkor». Rolik ź placoŭki ŭžo vydaleny.
Pradstaŭnik abvinavačvańnia ŭ sudzie zajaviŭ, što psichołaha-linhvistyčnaja ekśpiertyza vyjaviła ŭ roliku sacyjołaha «pryznańnie ideałohii ździajśnieńnia vybuchu z metaj dyskredytacyi orhanaŭ dziaržaŭnaj ułady».
Abarona aktyvista ŭ sudzie śćviardžała, što pry vybary nazvy była dapuščana «prajava niadbajnaści», što «paciahnuła za saboj farmavańnie dvuchsensoŭnaha pasłańnia», adznačaje vydańnie Sota.
Advakat Kaharlickaha zajaviŭ sudu, što rolik nios humarystyčny pasył, tady jak «krytyčny analiz padziej» u kanałach Kaharlickaha adbyvaŭsia «ŭ dazvolenaj terminałohii dziaržavy».
Sam sacyjołah u apošnim słovie adchiliŭ abvinavačvańnie ŭ apraŭdańni teraryzmu. «Heta supiarečyć maim pryncypam, majoj reputacyi. Ja žyŭ na śviecie dosyć doŭha, ja viedaju, što zakony mianiajucca. Ja zaŭsiody staraŭsia prytrymlivacca ich, być hramadzianinam, pracavać na karyść svajoj krainy. Ja spadziajusia na spraviadlivaje rašeńnie suda», — zajaviŭ jon.
Prapahandystka ANT Natalla Stelmach źmianiła imia na Naci Ryšna i zarablaje ŭ Mieksicy na šamanach i narkatyčnych hrybach45
Kamientary