Viadomy mastak i dyzajnier u novym vypusku «Tok» padzialiŭsia taksama, što ździŭlała ŭ Biełarusi muzykanta Andreja Makareviča.
Na pytańnie pra roźnicu biełarusaŭ i rasiejcaŭ Uładzimir Ceśler zhadaŭ mierkavańnie svajho znajomaha ŭkrainca: «Jon havoryć, što Rasija nie źjaŭlajecca Jeŭropaj. Ale, na žal, Ukraina taksama. A voś čamuści Biełaruś, kaža jon, Jeŭropa. I heta adčuvajecca, jak tolki ty pierasiakaješ miažu. Idzie adna i taja ž pryroda, ale ty ŭžo jedzieš pa Biełarusi i adčuvaješ, što heta inšaja kraina, što heta Jeŭropa».
Ceśler zhadvaje, kali pryjazdžaŭ muzykant Andrej Makarevič, jany razam byli na Brasłaŭskich aziorach.
«Jon kazaŭ, što jaho da hłybini dušy kranuła, što my, kali zjazdžali, sabrali ŭ pakiety ŭsio śmiećcie, jakoje tam było. Heta jašče ničoha. Ale jon ašaleŭ jašče ad taho, što my prajšli i akurki sabrali. Jon zhadvaŭ, što jaho znajomyja, kali jeduć na jaki-niebudź piknik, nikoli takoha nie robiać. I potym jany na heta miesca nie jeduć, a jeduć dalej», —
pieradaje słovy Makareviča mastak.
Mastak vykazaŭ mierkavańnie, što ŭ Biełarusi vielmi akuratna adnosiacca da siabie, svajoj ziamli. U toj ža čas ułady Minska nie zadumvajucca pra toje, jaki horad jany pakinuć naščadkam.
«Havorać, što ŭ Minsku čysta. Ja nie liču, što čyścinia heta niejkaja zasłuha. Lepš by bolej dobraj architektury było».
Hladzicie całkam:
-
Kupili ŭ Polščy iPhone 17 i jedziecie ź im u Biełaruś — ci treba płacić na miažy?
-
U Homieli troje studentaŭ z cacačnymi aŭtamatami napałochali dziaŭčynu
-
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu
Kamientary
"Sabrali ŭ pakiety ŭsio śmiećcie, jakoje tam było"