Ad Rabinoviča da Duncovaj. U CVK Rasii ŭžo pastupiła 16 zajavak ad pretendentaŭ u prezidenty
I ich kolkaść budzie raści.
«Na hety momant u nas užo pastupili zajaŭki ad 16 pretendentaŭ u kandydaty na vybarach u prezidenty Rasii», — skazała staršynia CVK Eła Pamfiłava, dadaŭšy, što, pavodle infarmacyi CVK, kolkaść zajavak uzraście, piša RBK.
Pamfiłava raniej adznačała, što vybary prezidenta Rasiei ŭpieršyniu buduć prachodzić u takoj «taksičnaj» hieapalityčnaj abstanoŭcy.
«Upieršyniu ŭ historyi novaj Rasii vybary buduć prachodzić u takoj taksičnaj hieapalityčnaj atmaśfiery, kali skinutyja ŭsie maski, pavalilisia pareštki ladaščych demakratyčnych dekaracyj.
Chaču zapeŭnić vas, što vybarčaja sistema našaj krainy vałodaje mahutnym zapasam tryvałaści dla taho, kab arhanizavać i pravieści budučyja vybary mienavita tak, jak hetaha patrabuje i čakaje naš narod, tamu što dla nas narod — heta hałoŭny sudździa», — kazała jana.
Siarod tych, chto publična vyłučyŭ svaju kandydaturu:
ciapierašni prezident Rasii Uładzimir Pucin;
lidar ŁDPR Leanid Słucki;
były ministr abarony «DNR» Ihar Strałkoŭ (znachodzicca ŭ SIZA pa spravie ab publičnych zaklikach da ekstremizmu);
municypalny deputat ad «Sajuza pravych sił» Barys Nadzieždzin;
žurnalistka i byłaja deputatka ržeŭskaj haradskoj dumy Kaciaryna Duncova;
kiraŭnik mižrehijanalnaha Sajuza vypusknikoŭ dziciačych damoŭ i internataŭ Anatol Rabinovič.
Vybary ŭ Rasii projduć 15—17 sakavika 2024 hoda.
Papularny tyktokier z Rasii tusić u darahich restaranach Minska: «Byccam bamžu padali. Žarycie, na zdaroŭje»17
Kamientary