U Hrodnie jak minimum 13 miedykaŭ za miesiac aštrafavali za padpiski na ekstremisckija resursy
Jak praviła, daktaroŭ i miedsiaścior štrafavali i zabirali telefon.
Jak minimum 13 miedykaŭ z Hrodna sudzili ŭ listapadzie za raspaŭsiud ekstremisckich materyjałaŭ. Infarmacyja źjaviłasia ŭ banku sudovych rašeńniaŭ. Siarod aštrafavanych — niejrachirurh i nieanatołah, piša hrodna.life.
Jak praviła, miedykaŭ pa art. 19.11 KaAP štrafavali na 10−30 bazavych vieličyń (370−1100 rubloŭ). U niekatorych taksama kanfiskavali telefony.
Naprykład, doktara-nieanatołaha i maci małoha dziciaci za padpisku ŭ instahramie aštrafavali na 15 bazavych vieličyń (555 rubloŭ) z kanfiskacyjaj mabilnika. Niejrachirurha za padpisku na ekstremiscki kantent «UKantakcie» aštrafavali na 925 rubloŭ.
Adnaho miedyka aryštavali na troje sutak z kanfiskacyjaj mabilnika.
Taksama sudzili troch miedsiaścior, lekara, lekara-terapieŭta, supracoŭnicu BCHMD. Sudzili za padpiski «VKontaktie», Facebook i Instagram, reposty ŭ «Adnakłaśnikach», padpiski na Zerkalo.io i «Aficyjnaja hrupa Chartyja'97», i zachoŭvańnie «vizualnaj ekstremisckaj pradukcyi».
Taksama aštrafavali vykładčyka Hrodzienskaha dziaržaŭnaha mieduniviersiteta i dyjakana pratestanckaj carkvy «Śviet mira» Dzianisa Kamiahina.
Jak mučyli Cila Švajhiera i centry haradoŭ, kab stvaryć karcinku dla sudzimaha za machlarstva prateže Dźmitryja Baskava15
Kamientary