Śviet55

Zabojstva Jaŭhiena Pryhožyna arhanizavaŭ Patrušaŭ — WSJ

Sakratar Rady biaśpieki Rasii papiaredžvaŭ Pucina, što staŭka na kiraŭnika PVK «Vahnier» i jaho najmitaŭ u vajnie z Ukrainaj daje apošniamu ŭsio bolš upłyvu i stvaraje pahrozu Kramlu.

Mikałaj Patrušaŭ. Fota: Pavel Bednyakov, Sputnik, Kremlin Pool Photo via AP, File

Kali Pryhožyn pačaŭ miaciež, Patrušaŭ ubačyŭ u hetym mahčymaść nazaŭždy pazbavicca ad kiraŭnika PVK, pierakazvaje artykuł Wall Street Journal «Mieduza».

Patrušaŭ pačaŭ papiaredžvać Pucina ab niebiaśpiecy Pryhožyna jašče letam 2022 hoda, adnak prezident Rasii nie prysłuchaŭsia da jaho słoŭ, bo vahnieraŭcy mieli pośpiechi na poli boju. Pa słovach surazmoŭcy vydańnia, byłoha rasijskaha raźviedčyka, heta źmianiłasia ŭ kastryčniku 2022 hoda.

Tady Pryhožyn nibyta patelefanavaŭ Pucinu i ŭ hrubaj formie paskardziŭsia na deficyt bojeprypasaŭ, jaki pryvodzić da vialikich strat. U kabiniecie Pucina ŭ toj momant znachodziŭsia Patrušaŭ, śćviardžaje krynica WSJ. Kiraŭnik Rady biaśpieki paličyŭ, što Pryhožyn staŭ niebiaśpiečnym i pierastaŭ pavažać uładu Kramla.

Nastupnyja skarhi Pryhožyna na zabieśpiačeńnie i ŭ tym liku publičnyja kanflikty z vajennym kiraŭnictvam Rasii Pucin ihnaravaŭ i nie adkazvaŭ na zvanki kiraŭnika PVK. U červieni 2023 hoda, kali Pryhožyn pačaŭ miaciež, Patrušaŭ «uziaŭ kiravańnie na siabie», śćviardžajecca ŭ materyjale.

Pavodle danych krynic WSJ, kiraŭnik Rady biaśpieki telefanavaŭ aficeram, jakija simpatyzujuć Pryhožynu i prasiŭ ich pierakanać kiraŭnika PVK Vahniera spynić miaciež.

Taksama Patrušaŭ šukaŭ pasiarednikaŭ dla vyrašeńnia kanfliktu ŭ susiednich krainach. Aproč Alaksandra Łukašenki (jaki ŭ vyniku i staŭ takim pasiarednikam), heta byŭ prezident Kazachstana Kasym-Žamart Takajeŭ.

U vypadku, kali b armija RF nie zmahła strymać najmitaŭ, uzbrojenyja siły Kazachstana pavinny byli dapamahčy — u jakaści słužby ŭ adkaz za ŭvod sił ADKB u studzieni 2022 hoda, śćviardžajuć krynicy WSJ. Adnak Takajeŭ admoviŭsia.

Paśla zakančeńnia miaciažu Patrušaŭ pačaŭ raspracoŭku płana zabojstva. Pa słovach krynic vydańnia z zachodnich śpiecsłužbaŭ, Pucinu paźniej pakazali hetyja płany, i jon nie staŭ piarečyć.

23 žniŭnia kiraŭnik ČVK čakaŭ u aeraporcie Šaramiećcieva, pakul jaho samalot pravierać i padrychtujuć da vyletu.

Mienavita ŭ hety momant pad kryło zakłali nievialikuju bombu, śćviardžajuć surazmoŭcy WSJ u zachodnich śpiecsłužbach.

Praz paŭhadziny paśla ŭźlotu na vyšyni prykładna 8500 mietraŭ bomba ŭzarvałasia. Usie dziesiać čałaviek, jakija znachodzilisia na borcie, zahinuli.

Kreml svajo dačynieńnie da hibieli Pryhožyna admaŭlaje.

Kamientary5

  • Oj da ładna...
    22.12.2023
    Jany ŭsio kiraŭnictva Polščy ŭ 2011 hodzie prybrali i ŭsim jeŭrapiejcam pa-barabanu była, a tut ŭsiaho basahałovaha razčlenili, jenta možna skazać padtrymańnie imidžu, voś rańše było kahda maroziva 20 kapiejek kaštavała - dvarcy brali šturmami i nichto daže ni piknuŭ - ni ŭ Pientahonie, ni ŭ jentaj vašaj Brytanii
  • 13
    22.12.2023
    Tolko na vidieo śledy traśsiera i popadanija dvuch zienitnych rakiet ot "Buka", a nie bomba pod kryłom. 
  • Hm
    22.12.2023
    Chm... a što na heta Matolka#help?
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

«Mužyk ja z rodu, syn ziamli litoŭskaj». Novyja dakumienty Kastusia Kalinoŭskaha ŭdałosia vyjavić dziakujučy počyrku

«Mužyk ja z rodu, syn ziamli litoŭskaj». Novyja dakumienty Kastusia Kalinoŭskaha ŭdałosia vyjavić dziakujučy počyrku

Usie naviny →
Usie naviny

«300 baksaŭ — za kvateru davajennaha času?» Biełaruska aburyłasia cenami na arendu kvater u Minsku7

U Biełarusi prachodzili padrychtoŭku livijskija śpiecnazaŭcy FOTY2

Jak z «Maršała Foša» vyvieli «Łored». Navukoviec raskazaŭ pra biełaruski vinahrad, prydatny dla vyrabu vina2

Lubicie paspać na vychadnych? Voś što z vami budzie1

U Liviju palacieła ź nieanansavanym vizitam pradstaŭničaja delehacyja biełaruskich čynoŭnikaŭ

Tramp zajaviŭ, što ŭ Rasii taksama «niama kartaŭ» dla viadzieńnia pieramoŭ8

U Rasii aryštavali byłoha dyrektara adnaho ź instytutaŭ Akademii navuk Biełarusi

Mask zajaviŭ pra maštabnuju kibierataku suprać X6

USU navučylisia niejtralizavać rasijskija płaniernyja bomby1

bolš čytanych navin
bolš łajkanych navin

«Mužyk ja z rodu, syn ziamli litoŭskaj». Novyja dakumienty Kastusia Kalinoŭskaha ŭdałosia vyjavić dziakujučy počyrku

«Mužyk ja z rodu, syn ziamli litoŭskaj». Novyja dakumienty Kastusia Kalinoŭskaha ŭdałosia vyjavić dziakujučy počyrku

Hałoŭnaje
Usie naviny →

Zaŭvaha:

 

 

 

 

Zakryć Paviedamić