U Bresckaj vobłaści za 11 miesiacaŭ naličyli 583 «ekstremisckija złačynstvy»
Pad staršynstvam prakurora Bresckaj vobłaści Viktara Klimava ŭ Breście praviali kaardynacyjnuju naradu pa baraćbie sa złačynnaściu i karupcyjaj. Na mierapryjemstvie z udziełam pradstaŭnikoŭ usich siłavych struktur siarod inšaha abmierkavali miery pa baraćbie z «ekstremisckaj» dziejnaściu.
Siarod inšaha na hetaj naradzie prahučała ličba, kolki «ekstremisckich złačynstvaŭ» było ŭčyniena na Brestčynie za studzień-listapad hetaha hoda — 583.
U asnoŭnym heta «supraćpraŭnyja dziejańni, učynienyja z vykarystańniem infarmacyjnych technałohij i spałučanyja z pahrozami hvałtoŭnych dziejańniaŭ i abrazami», paviedamlaje abłasnaja prakuratura.
Udzielniki pasiadžeńnia pryjšli da vysnovy, što treba ŭzmacnić miery pa «niedapuščeńni raspaŭsiudžvańnia destruktyŭnych idej i kaštoŭnaściaŭ», a dla hetaha treba sačyć za infarmacyjaj u internecie i apieratyŭna pryznavać internet-resursy ekstremisckimi materyjałami.
Jak viadoma, apošnija try hady ŭ Biełarusi «ekstremisckija materyjały» ŭ traktoŭcy ŭładaŭ i siłavikoŭ — tyja materyjały, jakija absalutna ničoha ekstremisckaha ŭ sabie nie majuć. Taki jarłyk viešajecca faktyčna na lubuju krynicu infarmacyi, jakaja nie zaležyć ad uładaŭ i nie adlustroŭvaje aficyjny punkt hledžańnia na padziei.
Što aznačaje zahadkavy kod R99 u pryčynach śmierci Uładzimira Makieja i Vitolda Ašurka?5
Kamientary