Siońnia ŭ Baranavičach uračysta adkryjuć Ladovy pałac. A potym na lod vyjdzie chakiejnaja kamanda prezidenta i chakieisty bresckaha «Dynama».
Siońnia ŭ Baranavičach uračysta adkryjuć Ladovy pałac. A potym na lod vyjdzie chakiejnaja kamanda prezidenta i chakieisty bresckaha «Dynama».
Trapić na ŭračystaje adkryćcio Ladovaha pałaca zdolejuć tyja, u kaho buduć zaprašalnyja bilety, jakija raspaŭsiudzili praz arhanizacyi i pradpryjemstvy horada. Hladzielnaja zała ladovaj areny pryniać usich achvotnych nie dazvalaje.
Peŭnaja kolkaść hledačoŭ zdoleje ŭbačyć uračystasci i na vialikim ekranie, jaki ŭstalavali pierad pałacam, ale kab trapić na terytoryju Ladovaha pałaca, nieabchodna budzie prajsci praź mietaładetektary. Źjava nie novaja i zrazumiełaja.
A ciapier krychu historyi. Uźviadzieńnie Ladovaha pałaca pačałosia naprykancy 2007 hoda i budaŭnictva viałosia davoli burna, bo kab za dva hady ŭźviesci taki spartyŭny kompleks, patrebny byli vialikija namahanni. Naprykład, da budaŭnictva prystupili paśla padrychtoŭki placoŭki pad pałac. Hrunt akazaŭsia nieprydatnym i na miesca vyviezienaha zaviezli 83 tys. m kub piasku. Peŭny pieryjad adčuvaŭsia i niedachop hrošaj, jakich nie było ŭ biudžecie horada.
Budaŭnictva Ladovaha pałaca abyšłosia bolej čym u 60 miljardaŭ rubloŭ, a heta — čverć haradskoha biudžetu 2009 hoda.
Ale kompleks uražvaje najpierš źniešnim vyhladam — sapraŭdny pałac ź bietonu, mietału i škła. Płošča zbudavańnia 22 tysiačy m 2, a za chakiejnymi batalijami zmohuć nazirać 2 tys. hledačoŭ.
Ladovaja arena budzie prymać nie tolki chakieistaŭ, ale i ŭsich achvotnych pakatacca na kańkach. I cana nievysokaja. Dla dziaciej (da 14 hadoŭ)
adna hadzina katańnia abydziecca ŭ 3,5 tysiačy, a dla darosłych — 6 tysiač rubloŭ. Ale heta biez prakatu kańkoŭ,
a inakš daviadziecca dapłacić jašče 3,5—4 tysiačy.
U Ladovym pałacy buduć dziejničać zały boŭlinha, tancaŭ, biljarda, mastackaj himnastyki i akrabatyki…
Adnym słovam, spartyŭny kompleks pavinien zarablać hrošy, kab maksimalna akupić siabie. A tamu ŭ pałacy buduć prachodzić roznyja masavyja mierapryjemstvy, jakija pavinny pryciahnuć uvahu hledača.
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju18
Kamientary