Pravasłaŭny śviatar, na jakoha danosiła Bondarava, źjechaŭ ź Biełarusi i pierajšoŭ u Polskuju carkvu
Pra heta śviatar Andrej Nozdryn raskazaŭ u sacyjalnych sietkach.
U žniŭni 2020 hoda Nozdryn zaklikaŭ nie raspalvać varožaści pamiž narodam i armijaj. Paśla ŭvarvańnia Rasii va Ukrainu asudziŭ vajnu. Paśla danosu Bondaravaj jaho ŭ mai 2022-ha vyzvalili ad pasady nastajaciela pravasłaŭnaha prychoda ŭ mikrarajonie Alšanka ŭ Hrodnie i pieraviali ŭ viosku Komatava Hrodzienskaha rajona.
U kastryčniku 2023 hoda Nozdryna aštrafavali na 555 rubloŭ za «raspaŭsiud ekstremisckich materyjałaŭ» (znajšli ŭ instahramie padpisku na haradzienskaha žurnalista Rusłana Kuleviča, sacsietki jakoha byli pryznanyja ekstremisckimi materyjałami ŭ studzieni 2023 hoda).
25 śniežnia była jaho apošniaja liturhija ŭ vioscy Komatava. Ciapier śviatar u Polščy.
Jon znachodzicca ŭ manastyry śviatoha vielikamučanika Dźmitryja Sałunskaha ŭ Sakach. Praz tydzień daznajecca miesca svajho pastajannaha słužeńnia ŭ Polskaj pravasłaŭnaj carkvie.
Hrodzienski jepiskap Antonij nie piarečyŭ prašeńniu śviatara ab pieravodzie, Sinod RPC daŭ adpusknuju hramatu.
Cytata pra «ruski štyk, ruskaha nastaŭnika i ruskaha papa» sastareła?
Upieršyniu častka biełaruskich pravasłaŭnych budzie adznačać Kalady 25 śniežnia pa novym styli
«Duhin «zadźvihaŭ» zaŭsiody trochi nie pravasłaŭnyja rečy». Pravasłaŭny bahasłoŭ raskazaŭ pra Duhina, Harduna, videahulni i «Karaleŭstva Isusa»
Fiodar Viktaravič i «Viktar Fiodaravič». Supracoŭnik «Varhiejminha» maje pašpart prykryćcia. Jaho žonka Volha Siamaška — viadomaja žurnalistka34
Kamientary