Vyzvalenaja ŭčora z rasiejskaha pałonu miedyk bryhady marpiechaŭ zaručyłasia z pabracimam
Halina Fiedzišyn, bajavy miedyk bryhady marpiechaŭ, jakuju vyzvalili z rasiejskaha pałonu padčas abmienu 3 studzienia, zaručyłasia z kachanym — pabracimam Mikołam Hryceniakom. Pra heta paviedamiŭ u sacsietkach Siarhiej Vałynski («Vałyna»), kamandzir 36-j asobnaj bryhady marskoj piachoty.
Jak piša «Vałyna», para razam prajšła bai za Maryupal, vytrymała vyprabavańnie pałonam i doŭhaje rasstańnie.
«Hetaje kachańnie pieražyło vyprabavańni, zdolnyja złamać najmacniejšych. Para ŭkrainskich marpiechaŭ pakazała, što sapraŭdnyja pačućci nie viedajuć pieraškod, navat kali heta «piekła na ziamli», — napisaŭ «Vałyna».
Jon dadaŭ, što Halina — apošniaja dziaŭčyna-marpiech, jakaja zastavałasia ŭ varožym pałonie.
Kantrakt z uzbrojenymi siłami Ukrainy Halina padpisała jašče ŭ 2016 hodzie. Datul jana hod prapracavała miedycynskaj siastroj u hramadzianskaj balnicy.
U kastryčniku 2016 hoda ŭ składzie miedyčna-siastrynskaj bryhady Vińnickaha mabilnaha špitala Halina adpraviłasia na Łuhanščynu. Tam jana ŭdzielničała ŭ evakuacyi paranienych bajcoŭ.
Paśla dałučyłasia da šerahaŭ asobnaj bryhady marskoj piachoty, dzie na pasadzie bajavoha miedyka praciahvała ratavać žyćci ŭkrainskich vajskoŭcaŭ.
U akopach na linii raźmiežavańnia ŭ Danieckaj vobłaści dziaŭčyna sustreła svajo kachańnie — marpiecha Mikołu Hryceniaka. Vajna zaśpieła paru ŭ Danieckaj vobłaści.
Pad naciskam rasijan ich padraździaleńnie adyšło z pazicyj pablizu Maryupala na terytoryju «Azoŭstali». Padčas žorstkich bajoŭ dziaŭčyna była paranienaja.
U mai 2022 hoda jana razam ź Mikołam i inšymi pabracimami vyjšła ŭ pałon. Za rasijskimi kratami ŭ pary nie było mahčymaści bačycca. Mikoła viarnuŭsia z pałonu niekalki miesiacaŭ tamu.
«U ludziej u Biełarusi niama zbroi? Dapamožam». Kamandzir pałka Kalinoŭskaha raskazaŭ pra siłavy scenar, pretenzii i stomlenaść
«Maje nyrki nie pieražyli Bachmuta. Ale vyzvalać Biełaruś ja hatovy navat biez nyrak»
«Mnie praściej, što ja nikoli nie vieryła ŭ cud». Biełaruska z pałka Kalinoŭskaha raskazała pra frantavyja budni, kachańnie na vajnie i sapraŭdnuju radaść
Što čakaje Biełaruś u bližejšyja piać hadoŭ? A Rasiju i Jeŭropu? Śpiecdakładčyk AAN pa Biełarusi daje svoj raskład5
Kamientary