Staršynia Dziaržaŭnaha mytnaha kamiteta Uładzimir Arłoŭski padčas narady ŭ Łukašenki paviedamiŭ pra namiery spraścić pracedury mytnaha afarmleńnia, prytym jak dla arhanizacyj, tak i dla hramadzian, piša BiełTA.
Kali prajekty źmienaŭ realizujucca, kampanijam nie treba budzie padavać dla mytnaha afarmleńnia šerah dakumientaŭ, pakolki nieabchodnuju infarmacyju pieradaduć inšyja dziaržorhany i banki. Da taho ž niekatoryja dakumienty možna budzie padavać tolki ŭ elektronnym vyhladzie.
Akramia taho, pa asobnych kirunkach skarociać terminy administracyjnych mytnych pracedur. Naprykład, rašeńnie ab kłasifikacyi tavaru kamplektnaha abjekta budzie prymacca na praciahu 15 dzion, a nie 30, jak ciapier.
Taksama płanujecca, što fizičnyja asoby zmohuć padavać nie papiarovuju dekłaracyju, a elektronnuju, prytym zrabić heta možna budzie da ŭjezdu na miažu. Uładzimir Arłoŭski ŭdakładniŭ, što takaja dekłaracyja budzie biaspłatnaj.
Sprościać zakanadaŭstva i dla tych, chto źbirajecca pierajechać u Biełaruś. Ciapier, kali taki čałaviek zachoča ŭvieźci svoj aŭtamabil, to jamu treba vałodać im nie mienš za dva hady, inakš pryjdziecca płacić myty. U prajekcie zakona prapanujuć skaracić hety termin da šaści miesiacaŭ.
Kamientary