Zbor zakryty. Biełarusy sabrali kałasalnuju sumu na adzin ukoł dla maleńkaj Ryty ź Lidy
U siamji Juškievič ź Lidy troje dačušak. Małodšaj, Rycie, u śniežni 2021 hoda daktary pastavili strašny dyjahnaz — śpinalna-myšačnaja atrafija 2-ha typu. Kab pieramahčy chvarobu, dziaŭčyncy patrebny ŭsiaho adzin ukoł Zolgensma, jaki kaštuje amal dva miljony dalaraŭ. Učora siamja Ryty paviedamiła, što zbor zakryty, nieabchodnaja suma — bolš za 1,8 młn dalaraŭ — sabranaja.
Historyju maleńkaj Ryty aktyŭna repościli ŭ sacsietkach, da zboru padklučylisia žychary Biełarusi, Ukrainy i Rasii.
«U žyćci Ryty budzie tolki adzin dzień, ščaśliviejšy za hety — kali jana atrymaje Zolgensma! A siońnia toj samy dzień, da jakoha my išli dva hady! 21 studzienia — hety dzień stanie čyrvonym u našym siamiejnym kalendary! Krok za krokam, dzień za dniom, praź miesiacy i pory hoda my razam išli da pieramohi. Kožny z vas — toj samy čałaviek, bieź jakoha hety dzień by nie nastupiŭ! Vy — prykład čałaviečaj dabryni i spahadlivaści, zhurtavanaści i viery ŭ toje, što dabro zaŭsiody pieramahaje! Siońnia vy majecie prava skazać usim — my sabrali Rycie na ŭkoł žyćcia!» — padziakavała mama Ryty tym, chto dapamoh siamji.
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»1
Kamientary
A jak ža biaspłatnaja samaja lepšaja ŭ śviecie biełaruskaja miedycyna?
Za dziaŭčynku vielmi rady. Ale, ceny žachajuć. Niaŭžo niamožna hety preparat zrabić tannym i lačyć usich chvorych?