Na pasadu staršyni praŭleńnia banka pryznačany Uładzimir Lichadzijeŭski.
Novy kiraŭnik praciahnie raźvićcio banka z fokusam na ličbavyja finansavyja rašeńni dla roźničnych i karparatyŭnych klijentaŭ, piša pres-słužba banka.
Uładzimir Lichadzijeŭski skončyŭ Biełaruski dziaržaŭny ŭniviersitet infarmatyki i radyjoelektroniki i BDEU. U bankaŭskaj śfiery pracuje 30 hadoŭ, ź jakich 11 hadoŭ — u VTB (Biełaruś), dzie ŭ roznyja hady adkazvaŭ za padtrymku apieracyjnaj dziejnaści, kuryravaŭ mižnarodnyja raźliki i valutnyja apieracyi, IT-kirunak, realizoŭvaŭ bujnyja prajekty pa ličbavaj transfarmacyi.
Paviedamlajecca, što ŭ VTB (Biełaruś) absłuhoŭvajecca kožny dziasiaty žychar krainy, a finansavym partnioram bank vybrali 17 tysiač kampanij i pradprymalnikaŭ krainy.
«Vialikuju ŭvahu my ŭdzialajem raźvićciu sietki adździaleńniaŭ, uklučajučy za miežami stalicy. My chočam być zručnymi dla klijentaŭ, jakim nieabchodna padtrymka našych śpiecyjalistaŭ u tradycyjnym afłajn-farmacie. Razam z hetym bank praciahvaje pieravodzić svaje pradukty i servisy ŭ ličbavyja kanały, pavialičvajučy ich dastupnaść i zručnaść», — padkreśliŭ staršynia Uładzimir Lichadzijeŭski.
VTB (Biełaruś) pracuje na rynku krainy 27 hadoŭ. Bank uvachodzić u dziasiatku najbujniejšych finansavych ustanoŭ krainy pa pamiery aktyvaŭ.
Na siońnia ŭ VTB (Biełaruś) jość 24 ofisy, 55 kredytnych centraŭ, POS-kredytavańnie ŭ 160 kramach-partniorach i anłajn-servisy z dostupam da bankaŭskich praduktaŭ i pasłuh 24/7.
Kamientary