«Pieršy kanał» pakazaŭ pieršuju za doŭhi čas maŭčańnia karykaturu na Miadzieviedzieva i Pucina.
«Pieršy kanał» pakazaŭ pieršuju za doŭhi čas maŭčańnia karykaturu na Miadzieviedzieva i Pucina.
U navahodnim efiry rasijskaha «Pieršaha kanała» pakazali kamputarny mulfilm, hałoŭnymi piersanažami jakoha staŭ prezident Rasii Dźmitry Miadźviedzieŭ i premjer-ministr Uładzimir Pucin. Kiraŭniki krainy byli pradstaŭlenyja ŭ karykaturnym vyhladzie. U animavanym filmie Miadźviedzieŭ i Pucin z dapamohaj prypievak padvodzili vyniki 2009 hoda, hrajučy adnačasova na harmoniku i bubnie.
Mulfilm vielmi ździviŭ zamiežnuju presu, bo raniej aficyjnyja rasijskija kanały bajalisia žartavać z Uładzimira Pucina. U polskaj haziecie Wyborcza vyjšaŭ artykuł pad nazvaj «Pucin i Miadźviedzieŭ u batlejcy. Śmiełaja krytyka?» Jak adznačaje vydańnie, u animavanym filmu Miadzieviedzieŭ vystupaje dobrym palicejskim, a Pucin — złym. Kali Pucin sprabuje skazać hrubaje słova, Miadzievieŭ imhnienna zamianiaje jaho bolš prystojnym.
U pryjeŭkach uzhadvałasia mnohija vostyja momanty adnosinaŭ Rasii ź inšymi krainami: budaŭnictva novaha trubapravoda, hazavyja sprečki z Ukrainaj, niezadavolenaść Kremla tym, što rasijski kapitał nie zdoleŭ vykupić kancern «Opiel».
Amierykanskaja New York Times taksama adznačyła, što paśla doŭhaha pierapynku ŭ Rasii znoŭ pačali žartavać ź pieršych asobaŭ dziaržavy. Vydańnie iranizuje, što teartytyčna, pažartavać z Uładzimira Pucina nieskładana: možna zabaŭlacca ź jahonaj hałavy «u formie lampački», ciažkimi paviekami i vostrym nosam, nad jahonaj pachodkaj, nizkim rostam ci luboŭju chadzić biez kašuli.
Nahadajem, što nie tak daŭno «Pieršy kanał» źniaŭ mulfilm pra Alaksandra Łukašenku , jaki pakazali ŭ prahramie «Kult ličnosti». Jak zajaviŭ hienieralny pradusar kanała Kanstancin Ernst rasijskim ŚMI, taki ž multfilm jany źbirajucca źniać i pra Pucina ź Miadźviedzievym.
Ciapier čytajuć
Viktar Łukašenka zaśviaciŭ na pasiadžeńni NAK svoj hadzińnik — ciažki luks20
Viktar Łukašenka zaśviaciŭ na pasiadžeńni NAK svoj hadzińnik — ciažki luks
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary