17 studzienia kalektyŭ akademičnaha Instytutu litaratury paznajomili z novym dyrektaram: 68-hadovaha Ŭładzimiera Hniłamiodava, byłoha aparatčyka CK KPB, zamianiŭ doktar navuk, prarektar Akademii mastactvaŭ 38-hadovy Valery Maksimovič.
Kamertonam padčas «inaŭhuracyi» novaha kiraŭnika stali dla supracoŭnikaŭ Instytutu litaratury słovy akademika Piatra Nikicienki (kuratara sekcyi hramadzkich navuk u Akademii): «litaratary i inšyja idealahičnyja rabotniki». Pry znajomstvie z kalektyvam novy dyrektar zaznačyŭ, što instytut — dziaržaŭnaja ŭstanova, tamu ŭ peŭnym sensie maje być idealahičnaj strukturaj.
Papiarednim miescam pracy Maksimoviča była Akademija mastactvaŭ, dzie ŭ jakaści prarektara jon kuryravaŭ vychavańnie j idealohiju. Jašče raniej — pracavaŭ na filalahičnym fakultecie BDU. Ale, jak zhadvajuć byłyja supracoŭniki pa fiłfaku, Maksimoviča adtul vyžyli. Adnym ź jahonych «perłaŭ» byŭ list u Administracyju prezydenta na imia Pralaskoŭskaha: Maksimovič vinavaciŭ katedru biełaruskaj litaratury XX st., što taja praciahvaje ŭ navučalnuju prahramu «nacyjanalistaŭ» dy «kalabarantaŭ». Navučalny kurs byŭ skasavany, a aŭtar adpraviŭsia na pavyšeńnie.
Jak kažuć supracoŭniki instytutu, u dyrektarskaje kresła sp.Maksimovič imknuŭsia: pisaŭ listy asabista kiraŭniku Akademii navuk Michaiłu Miaśnikoviču z prośbaj pryznačyć jaho. Abiacaŭ uźniać Instytut litaratury da tych viaršyniaŭ, da jakich pry Miaśnikoviču ŭźniałasia Akademija ŭ cełym. Tonki padychod spracavaŭ: kiraŭnik Akademii addaŭ pieravahu Maksimoviču pierad inšymi pretendentami.
Ciapier čytajuć
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami2
Kamientary