Ekśpierymient z čatyrochdzionnym pracoŭnym tydniem dabraŭsia da Niamieččyny
Z 1 lutaha sotni supracoŭnikaŭ 45 niamieckich kampanij buduć pracavać z tryma vychodnymi na tydzień — pry hetym z poŭnym zachavańniem zarobku.
Meta daśledavańnia — vyśvietlić, ci praŭda heta moža zrabić supracoŭnikaŭ nie tolki zdaraviejšymi i ščaślivymi, ale i bolš praduktyŭnymi, jak miarkujuć prafsajuzy, piša Deutsche Welle.
Nieviasioły rabotniki niatanna abychodziacca kampanijam, havorać ekśpierty. Daśledavańnie Gallop vyśvietliła, što nizkaja ŭciahnutaść i pracazdolnaść abyšłasia suśvietnaj ekanomicy ŭ 8,1 tryljona jeŭra ŭ 2023 hodzie.
Ekśpierymienty z čatyrochdzionnym tydniem u ZŠA i Kanadzie pakazali stanoŭčyja vyniki — palapšeńnie fizičnaha i psichičnaha zdaroŭja, a taksama źnižeńnie ŭzroŭniu vyharańnia.
Pa vynikach ekśpierymientu nivodnaja z kampanij, jakija ŭdzielničali, nie płanavała viartacca da piacidzionnaha tydnia.
Ale jość i krytyki takich inicyjatyŭ. Na dumku ministra finansaŭ Kryścijana Lindniera, taki krok pastavić pad pahrozu ekanamičny rost i praćvitańnie Hiermanii.
Jakija mienavita niamieckija firmy ŭdzielničajuć u ekśpierymiencie, publična nie abviaščajecca, ale viadoma, što heta kampanii z roznych siektaraŭ, 30% ź ich bazujucca ŭ Paŭnočnym Rejnie-Viestfalii, 17% — u Baden-Viurtembierhu, 16% — u Bavaryi, 6% — u Bierlinie.
Raniej anałahičnyja eśpierymienty taksama pravodzilisia ŭ Šviecyi, Isłandyi, Bielhii i Partuhalii.
Ciapier čytajuć
Čamu ŭłady maŭčać pra pryčyny razbureńnia doma ŭ Homieli i jakija jość viersii2
Kamientary
dyk kazaŭ - jedziem takija pa aŭtabanie, a taaam... abočyny nie pakošanyja. niejki ramont darohi na šmat kiłamietraŭ. dumajem - dzie ž rabotniki?* pracoŭny ž dzień. i tolki praz šmat kiłamietraŭ zaŭvažyli vusataha burhiera adnaho - staić, kuryć. što za niparadak? dzie słavuty niamiecki ordnunh?
*ia takaja słuchajt (pryčym prymusova) heta ŭsio pa ichnym viartańni i dumajt - dzie-dzie... nu ŭ p