Polski sud prysudziŭ biełarusa pa abvinavačvańni ŭ špijanažy da 4 hadoŭ turmy
Akruhovy sud u Biełastoku prysudziŭ biełarusa i rasiejca da čatyroch hadoŭ pazbaŭleńnia voli pavodle abvinavačvańnia ŭ špijonskaj dziejnaści na karyść rasijskaj vyviedki, paviedamiła Polskaje radyjo.
Biełarusa i rasiejca zatrymali ŭ krasaviku 2022 hoda. Sudovy praces pačaŭsia ŭ sakaviku 2023 hoda.
Pavodle abvinavačańnia, abodva mužčyny z 2017 hoda da krasavika 2022-ha pravodzili špijonskuju dziejnaść dla rasijskaj vyviedki: zdabyvali infarmacyju pra vajskovyja abjekty, jakija majuć krytyčnaje značeńnie dla abarony Polščy, a taksama pra bajazdolnaść, maralny stan i funkcyjanavańnie padraździaleńniaŭ na takich abjektach, u tym liku va ŭmovach nadzvyčajnaj situacyi. Abvinavačanych asabliva cikavili abjekty na paŭnočnym uschodzie Polščy. Atrymanaja infarmacyja nakiroŭvałasia HRU.
Abodva abvinavačanyja znachodzilisia ŭ Polščy lehalna. Biełarus spačatku vučyŭsia ŭ adnoj z VNU Biełastoka, a zatym uładkavaŭsia pracavać u arhanizacyju, jakaja zajmajecca parašutnaj padrychtoŭkaj. Jon ustaloŭvaŭ kantakty i vykarystoŭvaŭ ich u svajoj špijonskaj dziejnaści. Rasiejec pravodziŭ špijonskuju dziejnaść pad vyhladam turystyčnaj i kulturnaj dziejnaści.
Prysud nie źjaŭlajecca kančatkovym. U termin pazbaŭleńnia voli zaličyli čas, jaki abvinavačanyja praviali pad vartaj i pad aryštam.
Biełaruskija siłaviki pryjechali zatrymlivać futbolnaha fanata na mašynie z rasijskimi numarami FOTAFAKT7
U Minsku prajšoŭ vajskovy parad dzietsadaŭcaŭ. Im kamandavaŭ chłopčyk u formie milicyi na elektramabili FOTA6
«Moj kachany nie čytaje naviny, kali jany napisanyja pa-biełarusku». Darja Caryk stała na abaronu ruskaj movy i pryplała navat Paźniaka103
Kamientary