Kijeŭ pryznačyŭ Ihara Kizima pasłom pa asobych daručeńniach pa spravach Biełarusi
Pra svajo pryznačeńnie Ihar Kizim napisaŭ u svaim fejsbuku.
«Pavažanyja siabry! Apošnim časam źjaviłasia šmat paviedamleńniaŭ u miedyja nakont majho novaha pryznačeńnia, jakija, ŭ pryvatnaści, datyčacca adnosin ź biełaruskimi demakratyčnymi siłami. Chacieŭ by ŭnieści jasnaść pa hetym pytańni. Pa rašeńni ministra zamiežnych spraŭ mianie pryznačyli pasłom pa asobych daručeńniach pa Biełarusi. Vidavočna, što ciapier luboje pytańnie, jakoje tyčycca Biełarusi, nosić «asoby» charaktar.
Zychodziačy z hetaha, u pieralik maich abaviazkaŭ, siarod inšaha, uvachodziać pytańni, źviazanyja z demakratyčnymi siłami Biełarusi jak častkaj biełaruskaha hramadstva, jakaja vystupaje suprać palityki ciapierašniaha kiraŭnictva Biełarusi, u pryvatnaści adnosna padtrymki rasijskaj vajskovaj ahresii suprać Ukrainy. Spadziajusia, što moj dośvied pracy pasłom Ukrainy ŭ Respublicy Biełaruś spatrebicca ŭ hetym», — napisaŭ Ihar Kizim.
Dypłamat byŭ pasłom Ukrainy ŭ Biełarusi ŭ 2017—2023 hadach. Jon byŭ vyzvaleny ad abaviazkaŭ u červieni 2023 hoda paśla sustrečy Alaksandra Łukašenki z kiraŭnikom «DNR» Dzianisam Pušylinym. Novaha pasła ŭ Biełarusi Ukraina nie pryznačyła.
«Niehatyŭnaje staŭleńnie da biełarusaŭ z boku ŭkraincaŭ — praź nierazumieńnie, što adbyvajecca ŭnutry Biełarusi» — były ŭkrainski pasoł
«Pierad nami siadzieli ludzi, jakija nienavidziać ukraincaŭ». Były pasoł Ukrainy pra pieramovy na pačatku vajny, strach biełarusaŭ, ministra Makieja i fienomien Łukašenki
Pasoł Kizim: Pra biełaruska-ŭkrainskija pieramovy ŭ Lvovie ja ničoha nie čuŭ. A Łukašenka zvaniŭ Zialenskamu
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»5
Kamientary