Alaksandr Łukašenka 5 studzienia padpisaŭ ukaz ab prysudžeńni piaci premij prezidenta «Za duchoŭnaje adradžeńnie».
Premii prysudžany archijepiskapu Homielskamu i Žłobinskamu Arystarchu za «značny asabisty ŭniosak u adradžeńnie i zachavańnie duchoŭnaj, histaryčnaj i kulturnaj spadčyny biełaruskaha naroda»; aŭtarskamu kalektyvu ahienctva televizijnych navin Nacyjanalnaj dziaržaŭnaj teleradyjokampanii za stvareńnie dakumientalnaha sieryjała «Ziamla biełaruskaja»; kalektyvu balnicy palijatyŭnaha dohladu «Chośpis» za «padźvižnickuju dziejnaść pa akazańni dapamohi ciažka chvorym pacyjentam»; kalektyvu vydaviectva Biełaruskaha ekzarchata za vypusk faksimilnaha vydańnia Słuckaha Jevanhiella; trenieru‑vykładčyku pa lohkaj atletycy Homielskaj dziciača‑iunackaj spartyŭnaj škoły prafsajuzaŭ «Lider» Uładzimiru Kacuru za «značnyja dasiahnieńni ŭ śpiecyjalnaj reabilitacyi invalidaŭ».
Premija «Za duchoŭnaje adradžeńnie» zasnavana ŭ 1997 hodzie. Jaje pamier u 2006 hodzie byŭ pavialičany sa 100 da 350 bazavych vieličyniaŭ, što składaje zaraz 12 młn. 250 tys. rubloŭ (4,3 tys. dalaraŭ ZŠA). Uručajecca łaŭreatam 7 studzienia.
Ciapier čytajuć
Advakat Kanavałava, rasstralanaha za terakt u mietro, upieršyniu raskazaŭ, što adbyvałasia padčas śledstva75
Kamientary