U Śvietłahorsku pjany kiroŭca kiravaŭ maršrutkaj, poŭnaj ludziej
Supracoŭniki DAI spynili maršrutny mikraaŭtobus, u jakim było «zvyš ustanoŭlenaj kolkaści» pasažyraŭ, paviedamiła pres-słužba MUS.
Adznačajecca, što padčas pravierki dakumientaŭ inśpiektar darožna-patrulnaj słužby adčuŭ, što ad kiroŭcy patychaje pacham śpirtnoha. Mužčyna pryznaŭsia, što piŭ napiaredadni. Miedycynski ahlad na najaŭnaść ałkaholu ŭ kryvi, jak śćviardžaje MUS, «pakazaŭ amal 2 pramile» (apjanieńnie siaredniaj stupieni).
«U dačynieńni da 44-hadovaha kiroŭcy składzienyja administracyjnyja pratakoły. Jon budzie pazbaŭleny pravoŭ na 5 hadoŭ i zapłacić štraf u 200 bazavych vieličyń (8 tysiač rubloŭ). Taksama da administracyjnaj adkaznaści pryciahnutaja asoba, jakaja dapuściła vyjezd mužčyny na maršrut ruchu. Transpartny srodak źmieščany na achoŭnuju stajanku», — havorycca ŭ paviedamleńni.
Čytajcie taksama:
U Baden-Badenie pjany biełarus lažaŭ na čyhunačnych rejkach — mašynist zabraŭ jaho ŭ pojezd
U Hrodnie mužčyna tak udaryŭ nahoj u śpinu piensijaniera, što toj pieralacieŭ cieraz łaŭku
Pa ŭsioj Biełarusi stali mienš spažyvać pładova-jahadnych vinaŭ. Akramia adnaho rehijona
Piać faktaŭ pra Natallu Piatkievič — samuju ŭpłyvovuju čynoŭnicu Biełarusi da źjaŭleńnia Kačanavaj i Ejsmant26
Kamientary