Čarhovaja cyrymonija ŭznaharodžvańnia ŭ Danieckaj vobłaści — čarhovy prylot z «chajmarsa». 19 zahinułych
Rasijskija vajenkary pišuć pra čarhovy paśpiachovy ŭdar ukrainskaj armii pa miescy kancentracyi rasijskich vajskoŭcaŭ. Hetym razam udar nanieśli dźviuma rakietami HIMARS pa miescy zboru asabovaha składu ŭ Jalenaŭcy na Danieččynie padčas uznaharodžańnia.
Pavodle najaŭnaj infarmacyi, vystrojvała vajskoŭcaŭ dla ŭznaharodžańnia kamandavańnie 155-j asobaj bryhady marskoj piachoty, jakaja ŭ mirny čas dysłakavanaja va Uładzivastoku.
Pišuć, što ŭdary byli naniesienyja 27 lutaha kala 19.00. U vyniku ich zahinuli 19 rasijskich vajskoŭcaŭ, 12 čałaviek paranienyja.
Nazyvajucca i proźviščy niekatorych zahinułych: namieśnik kamandzira bryhady padpałkoŭnik Raman Kažuchoŭ, major Alaksandr Abiłaŭ, kapitan Nail Šachmanaŭ. A kamandzir 155-j asobaj bryhady marskoj piachoty pałkoŭnik Michaił Hudkoŭ nibyta paranieny.
«Navat jaho prychilniki zrazumieli, što žyć jak raniej užo nie atrymajecca». Biełarusy raskazali pra atmaśfieru ŭ krainie napiaredadni vybaraŭ8
Kamientary