Mask ździviŭsia, čamu paśla raspadu Arhanizacyi Varšaŭskaj damovy nie raspuskajuć NATA. Jamu adkazali
Iłan Mask praciahvaje ździŭlać svaimi zajavami: hetym razam jon aburyŭsia, čamu nie rasfarmavali NATA paśla źniknieńnia Arhanizacyi Varšaŭskaj damovy. Najbolš jaskravy adkaz jamu daŭ prezident Łatvii Edhar Rynkievič.
«Mnie zaŭsiody było cikava, čamu NATA praciahvaje isnavać, niahledziačy na toje, što jaje zaklaty vorah i pryčyna stvareńnia — Arhanizacyja Varšaŭskaj damovy — spyniła svajo dziejańnie», — napisaŭ Mask.
Tak jon prakamientavaŭ post pradprymalnika Devida Saksa, jaki zajaviŭ, što paśla raspadu Savieckaha Sajuza NATA «sutyknułasia z ekzistencyjalnym kryzisam, i zamiest taho, kab rasfarmavacca, prydumała novuju misiju: pašyrycca».
U kamientarach Masku ŭkazali, što NATA była stvorana da Arhanizacyja Varšaŭskaj damovy.
A jašče jamu adkazaŭ prezident Łatvii Edhar Rynkievič.
Dear @elonmusk, the reason NATO was founded, exists and will last is Russia and other enemies of the free world https://t.co/ptrgstpS2N
«Darahi Iłan, pryčyna, pa jakoj NATA była zasnavana, isnuje i budzie isnavać viečna, — heta Rasieja i inšyja vorahi volnaha śvietu», — napisaŭ jon.
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»1
Kamientary
Pry akazii možna było b taksama patłumačyć pra apošni "skandał" z vykazvańniem Trampa pra NATA i pakazać, jakija dziaržavy datrymlivalisia damovy płacić 2% VUP na abaronu, a jakija nie.