«Supravodziać da pašpartnaha kantrolu». Kolki kaštuje miesca ŭ čarzie na miažy z Polščaj
Paśla zakryćcia jašče dvuch punktaŭ propusku na biełaruska-litoŭskaj miažy ŭzrasła nahruzka na inšyja pierachody. Biznes pa prodažy miescaŭ u čarzie aktualny, jak nikoli. «Naša Niva» pacikaviłasia, pa jakich cenach pradajuć miesca.
Biznes pa prodažy miescaŭ u čarzie najbolš raspaŭsiudžany ŭ Breście. Achvotnym prajści miažu chutčej prapanoŭvajuć adrazu niekalki varyjantaŭ.
Samy chutki — nabyć miesca ŭ čarzie. Schiema pracuje nastupnym čynam: niejki čałaviek ruchajecca pa čarzie na svaim aŭto i pa miery nabližeńnia da punktu propusku pačynaje šukać kupca na svajo miesca ŭ admysłovych čatach u miesiendžarach.
Ceny na pasłuhu roźniacca ŭ zaležnaści ad taho, nakolki vialikaja čarha. Tak, naprykład, učora viečaram adzin z karystalnikaŭ čata pradavaŭ miesca ŭ čarzie za 90 dalaraŭ (kala 300 rubloŭ).
Karystalniki čataŭ dzielacca infarmacyjaj, što dniami kuplali miesca za 150 złotych (kala 120 rubloŭ).
Isnuje i inšy varyjant supracy z pradaŭcami miescaŭ u čarzie. Achvotnyja zarabić hrošy hatovyja padmianić vas u vašym aŭto. Taki varyjant pasuje tolki bieraściejcam.
Košt pasłuhi taksama zaležyć ad daŭžyni čarhi. Tak, naprykład, adzin z karystalnikaŭ čata zajaviŭ pra hatoŭnaść adstajać za vas čarhu na vašym aŭto da «stamietroŭki» za 30 dalaraŭ (kala 100 rubloŭ).
Niekatoryja aceńvajuć svaju pracu pahadzinna — ad 5 da 10 dalaraŭ za hadzinu prastoju.
Znachodziacca działki, jakija za 80 jeŭra (kala 280 rubloŭ) abiacajuć supravadzić vaš aŭtamabil ažno da pašpartnaha kantrolu na biełaruskim baku.
Jak tłumačyć karystalnik, dla pazačarhovaha prajezdu praź miažu niekudy ŭnosiać danyja, jakija ŭtrymlivajuć rehistracyjny numar, marku i madel aŭto i danyja kiroŭcy. Nibyta ŭsio adbyvajecca aficyjna i biez prablem.
Nakolki zrazumieła z apisańnia pasłuhi, mašynu klijenta musić supravadžać niejki inšy transpartny srodak.
Miescy ŭ čarzie pradajucca i z polskaha boku. Zajmajucca hetym jak biełarusy, tak i palaki. U zaležnaści ad daŭžyni čarhi, ceny na miesca ŭ čarzie z Polščy ŭ Biełaruś vahajucca ad 150 da 500 złotych (120—410 rubloŭ).
Čytajcie taksama:
«Fatahrafavali ekran, kali łazili pa sacsietkach». Pasažyr raskazaŭ, jak prachodziła pravierka na biełaruska-polskaj miažy
Z Hrodna ŭ Biełastok — za 43 hadziny. Biełaruski aŭtobus pastaviŭ rekord pa časie na miažy
Jak ciapier dabracca z Hrodna ŭ Druskieniki na maršrutcy
Što aznačaje zahadkavy kod R99 u pryčynach śmierci Uładzimira Makieja i Vitolda Ašurka?5
Kamientary
Pajadun-zaika. Paśla treciaha kłasu adrazu pajšoŭ pracavać u čarhu na miažy.