Akcyjaniernaja kampanija pa transparcie nafty «Tranśniefć» praciahvaje prapampoŭvańnie nafty na biełaruskija naftapierapracoŭčyja zavody. Pra heta paviedamili ŭ pres‑słužbie kampanii.
Biełaruś i Rasija dahetul nie ŭzhadnili ŭmovy pastavak nafty. Data adnaŭleńnia pieramoŭ pa hetym pytańni pa‑raniejšamu nieviadomaja.
Z pačatku hoda pastaŭki nafty na biełaruskija NPZ ažyćciaŭlalisia ŭ adpaviednaści z raniej zaklučanymi kantraktami. Jak zajaviła 11 studzienia pres‑sakratar «Biełnaftachima» Maryna Kaściučenka, «nafta pastupaje ŭ Biełaruś u adpaviednaści z zaklučanymi dahavorami, naftapierapracoŭčyja zavody pracujuć u płanavym režymie». Pavodle jaje słoŭ, u poŭnym abjomie ažyćciaŭlajecca taksama tranzit rasijskaj nafty praz terytoryju Biełarusi.
Płanavałasia, što z 11 studzienia biełaruskija pradpryjemstvy praciahnuć zaklučeńnie kantraktaŭ z rasijskimi naftavymi kampanijami na dalejšyja pastaŭki nafty, adnak infarmacyju pra heta ŭ kancernie «Biełnaftachim» paćvierdzić nie atrymałasia.
Kamientary