U Homielskaj vobłaści žančynu, jakuju pryznali pamierłaj, złavili na złačynstvie
Prakurory Homielskaj vobłaści «pry manitorynhu srodkaŭ masavaj infarmacyi» vypadkova zaŭvažyli kazusnuju infarmacyju — u śniežni 2023 hoda była za kradziež zatrymanaja žančyna, jakuju abvieścili pamierłaj u 2016 hodzie.
Pravierkaj było ŭstanoŭlena, što hramadzianka ŭ 2010 hodzie była pazbaŭlena baćkoŭskich pravoŭ u adnosinach da syna. Z červienia 2010 hoda žančyna znachodziłasia ŭ vyšuku, bo jaje miescaznachodžańnie nie było viadoma.
Rašeńniem suda Dobrušskaha rajona ŭ 2011 hodzie hramadzianka pryznana bieź viestak źnikłaj. Pa zajavie adździeła adukacyi sportu i turyzmu Dobrušskaha rajvykankama rašeńniem suda ŭ krasaviku 2016 hoda jana była abjaŭlena pamierłaj.
Zhodna z p.1 art.41 Hramadzianskaha kodeksa Respubliki Biełaruś hramadzianin moža być abjaŭleny sudom pamierłym, kali pra miesca jaho žycharstva niama źviestak na praciahu troch hadoŭ.
Adsutnaść žančyny pa miescy žycharstva była abumoŭlena jaje žadańniem paźbiehnuć vykanańnia abaviazkaŭ pa ŭtrymańniu, a taksama adkaznaści za ich nievykanańnie, piša prakuratura.
Na siońnia prakuratura Dobrušskaha rajona vyrašaje pytańnie ab spahnańni ŭ sudovym paradku z «ažyŭšaj» hramadzianki vypłačanych dziaržavaj srodkaŭ jaje synu.
U Maładziečnie troje niepaŭnaletnich stvaryli levyja akaŭnty na sajcie znajomstvaŭ i vymahali hrošy ŭ «kavaleraŭ»
«Za adzin miesiac zarabiŭ 70 tysiač dołaraŭ». Były machlar raskazaŭ pra zładziejskija schiemy i pra toje, chto na ich traplajecca
Vyzvalenaja biełaruska raskazała, jak apynułasia ŭ pracoŭnym rabstvie ŭ Mjanmie i što tam rabiła
Pašpart Novaj Biełarusi pačnuć vydavać z 26 studzienia. Što viadoma i jak atrymać?108
Kamientary