Terakt na kancercie ŭ «Krokus Chole» ŭ Maskvie. Mnostva achviar
Terarysty zachapili kancertnuju zału i adkryli ahoń pierad vystupam hurta «Piknik», na jaki sabralisia bolš za 6200 čałaviek. U budynku adbylisia vybuchi i ŭźnik pažar, u vyniku jakoha abvaliŭsia dach vierchnich pavierchaŭ. Maštaby trahiedyi pakul ciažka acanić.
Jak minimum 40 čałaviek zahinuli ŭ vyniku stralaniny ŭ HC «Krokus Sici Choł» u Padmaskoŭi. Paranienyja jak minimum 100 čałaviek. Kolkaść achviar moža być našmat bolšaja.
Rasijskija ŚMI śćviardžajuć, što ahoń adkryła hrupa mužčyn u kamuflažy.
Na adnym ź videa vidać, što napadnikaŭ u «Krokus Sici Chole» było jak minimum piaciora. Jany rasstrelvali naviednikaŭ kancerta hurta «Piknik».
Taksama vidavočcy paviedamlajuć pra vybuch u budynku «Krokus Sici Choł». Nad budynkam bačnyja kłuby čornaha dymu.
Na videa ad vidavočcaŭ vidać achviaraŭ stralaniny ŭ Maskvie. Nieviadomyja adkryli ahoń, a paśla padpalili hladackuju zału.
Źjaviłasia i videa pieršych siekundaŭ terakta ŭ Maskvie. Ludzi z aŭtamatami viaduć stralaninu na paražeńnie.
Kadry, jak haryć handlovy centr «Krokus Sici Choł», apublikavali telekanały. Śćviardžajecca, što ŭ budynku zabłakavanyja ludzi.
Pažarniki spačatku nie zmahalisia z ahniom, čakali śpiecnaz. Jany nie mahli raspačać tušeńnie ahniu praz toje, što ŭnutry dahetul mohuć znachodzicca terarysty.
Kolkaść achviaraŭ moža značna pavialičycca, bo kažuć, što kala mnohija ludzi mahli być zabłakavanyja ŭ budynku.
Tym časam karespandent vydańnia «Ostorožno, novosti» paviedamiŭ, što ŭ budynku adbyŭsia novy vybuch.
Paviedamlajecca, što płošča pažaru ŭ «Krokus Sici Chole» dasiahnuła 13 000 kvadratnych mietraŭ.
Ahoń achapiŭ fasad budynka i ŭžo pierakinuŭsia na inšy korpus.
Rasijskija pažarnyja nie mohuć patušyć uzharańnie, bo jaho ačah znachodzicca zanadta daloka i im nie chapaje ich daŭžyni vodnych šłanhaŭ. Padtrymku ratavalnikam akazvajuć viertaloty, nabirajučy vadu ź bližejšych vadajomaŭ.
Usie vyjezdy z Maskvy pierakrytyja.
Heta śviedčańnie taho, što terarysty mahli paśpieć źjechać ź miesca padziej.
Tym časam u navakolli šmat chaosu. Tak, prajšli paviedamleńni pra «identyfikavany aŭtamabil» terarystaŭ. Ale jon akazaŭsia pustym hruzavičkom na biełaruskich numarach.
Tym časam pačynajuć šukać bieły siedan z uzbrojenymi mužčynami ŭ zialonym kamuflažy.
U Hałoŭnym upraŭleńni raźviedki Minabarony Ukrainy zajavili, što ciapierašni terakt u Padmaskoŭi źjaŭlajecca śviadomaj pravakacyjaj režymu Pucina, pra jaki papiaredžvała mižnarodnaja supolnaść. Pra heta skazaŭ pradstaŭnik HUR Andrej Jusaŭ u kamientary «Ukrainskaj praŭdzie».
«Heta śviadomaja pravakacyja śpiecsłužbaŭ Pucina, pra jakuju papiaredžvała mižnarodnaja supolnaść. Kramloŭski tyran z hetaha pačynaŭ svaju karjeru i takimi ž złačynstvami suprać ułasnych hramadzian choča jaje zaviaršyć», — adznačyŭ pradstaŭnik HUR.
«Nam po**j. Kali pa rukach nie daduć za niezakonnaje zatrymańnie, možam i babulu razam ź imi zakryć»3
«Nam po**j. Kali pa rukach nie daduć za niezakonnaje zatrymańnie, možam i babulu razam ź imi zakryć»
Ci zdaść Tramp Ukrainu Rasii? Čamu demakraty razhromlenyja? Da čaho pryviadzie kantrol respublikancaŭ nad vykanaŭčaj i zakanadaŭčaj uładaj adnačasova?8181
Kamientary