Тэракт на канцэрце ў «Крокус Холе» ў Маскве. Мноства ахвяр
Тэрарысты захапілі канцэртную залу і адкрылі агонь перад выступам гурта «Пікнік», на які сабраліся больш за 6200 чалавек. У будынку адбыліся выбухі і ўзнік пажар, у выніку якога абваліўся дах верхніх паверхаў. Маштабы трагедыі пакуль цяжка ацаніць.
Як мінімум 40 чалавек загінулі ў выніку страляніны ў ГЦ «Крокус Сіці Хол» у Падмаскоўі. Параненыя як мінімум 100 чалавек. Колькасць ахвяр можа быць нашмат большая.
Расійскія СМІ сцвярджаюць, што агонь адкрыла група мужчын у камуфляжы.
На адным з відэа відаць, што нападнікаў у «Крокус Сіці Холе» было як мінімум пяцёра. Яны расстрэльвалі наведнікаў канцэрта гурта «Пікнік».
Таксама відавочцы паведамляюць пра выбух у будынку «Крокус Сіці Хол». Над будынкам бачныя клубы чорнага дыму.
На відэа ад відавочцаў відаць ахвяраў страляніны ў Маскве. Невядомыя адкрылі агонь, а пасля падпалілі глядацкую залу.
З'явілася і відэа першых секундаў тэракта ў Маскве. Людзі з аўтаматамі вядуць страляніну на паражэнне.
Кадры, як гарыць гандлёвы цэнтр «Крокус Сіці Хол», апублікавалі тэлеканалы. Сцвярджаецца, што ў будынку заблакаваныя людзі.
Пажарнікі спачатку не змагаліся з агнём, чакалі спецназ. Яны не маглі распачаць тушэнне агню праз тое, што ўнутры дагэтуль могуць знаходзіцца тэрарысты.
Колькасць ахвяраў можа значна павялічыцца, бо кажуць, што каля многія людзі маглі быць заблакаваныя ў будынку.
Тым часам карэспандэнт выдання «Осторожно, новости» паведаміў, што ў будынку адбыўся новы выбух.
Паведамляецца, што плошча пажару ў «Крокус Сіці Холе» дасягнула 13 000 квадратных метраў.
Агонь ахапіў фасад будынка і ўжо перакінуўся на іншы корпус.
Расійскія пажарныя не могуць патушыць узгаранне, бо яго ачаг знаходзіцца занадта далёка і ім не хапае іх даўжыні водных шлангаў. Падтрымку ратавальнікам аказваюць верталёты, набіраючы ваду з бліжэйшых вадаёмаў.
Усе выезды з Масквы перакрытыя.
Гэта сведчанне таго, што тэрарысты маглі паспець з'ехаць з месца падзей.
Тым часам у наваколлі шмат хаосу. Так, прайшлі паведамленні пра «ідэнтыфікаваны аўтамабіль» тэрарыстаў. Але ён аказаўся пустым грузавічком на беларускіх нумарах.
Тым часам пачынаюць шукаць белы седан з узброенымі мужчынамі ў зялёным камуфляжы.
У Галоўным упраўленні разведкі Мінабароны Украіны заявілі, што цяперашні тэракт у Падмаскоўі з'яўляецца свядомай правакацыяй рэжыму Пуціна, пра які папярэджвала міжнародная супольнасць. Пра гэта сказаў прадстаўнік ГУР Андрэй Юсаў у каментары «Украінскай праўдзе».
«Гэта свядомая правакацыя спецслужбаў Пуціна, пра якую папярэджвала міжнародная супольнасць. Крамлёўскі тыран з гэтага пачынаў сваю кар'еру і такімі ж злачынствамі супраць уласных грамадзян хоча яе завяршыць», — адзначыў прадстаўнік ГУР.
«Нам по**й. Калі па руках не дадуць за незаконнае затрыманне, можам і бабулю разам з імі закрыць»7
«Нам по**й. Калі па руках не дадуць за незаконнае затрыманне, можам і бабулю разам з імі закрыць»
Ці здасць Трамп Украіну Расіі? Чаму дэмакраты разгромленыя? Да чаго прывядзе кантроль рэспубліканцаў над выканаўчай і заканадаўчай уладай адначасова?8282
Каментары